دۇيسەنبى كۇنى كەشكىلىك ساعات 20.00-دە جەدەل باسقارۋ ورتالىعىنا ءۇش ادامنىڭ ءوز ۇيىندە كەپىلگە الىنعانى تۋرالى حابار تۇسكەن.
پوليتسيا قىزمەتكەرلەرى كەپىلگە الىنعانداردى بوساتۋ تۋرالى ءۇش ساعات بويى كەلىسءسوز جۇرگىزگەنىمەن, ەش ناتيجە بەرمەگەن. كەپىلگە الىنعانداردى بوساتۋ كەزىندە كۇدىكتى قولعا ءتۇسىپ, 40 جاستاعى ايەل بوساتىلدى. شابۋىل كەزىندە سول ءۇيدىڭ جەرتولەسىنەن 67 جاستاعى ايەل ادام مەن 75 جاستاعى ەر ادام اۋىر حالدە تابىلعان. ول ەكەۋى اۋرۋحاناعا جەتكىزۋ كەزىندە قايتىس بولدى.
قازىر كۇدىكتىنىڭ قىلمىسقا نە ءۇشىن بارعانى انىقتالىپ جاتىر. كەپىلگە الىنعان 40 جاستاعى ايەل قازىر كوپبەيىندى وبلىستىق اۋرۋحانادا جاتىر. ونىڭ باسىندا بىرنەشە اشىق پىشاق جاراقاتى بار. دارىگەرلەر زارداپ شەككەن ايەلدىڭ جاعدايى اۋىر, بىراق تۇراقتى ەكەنىن حابارلادى.
