فوتو: اشىق دەرەككوز
ۆەدومستۆو باسشىسى 2020 جىلدان باستاپ ەلىمىزدەگى ەلەكتروندىق ساۋدا كولەمى بەس ەسەگە ۇلعايعانىن حابارلادى.
«الايدا, بۇل ءالى دە الەمدىك ورتاشا دەڭگەيدەن تومەن. دەسە دە, جاستار سانىنىڭ كوپتىگىن, فينتەحتىڭ دامۋىن, ينتەرنەتتىڭ قولجەتىمدىلىگىن جانە قولما-قول اقشاسىز ەسەپ ايىرىسۋدىڭ كەڭ تارالۋىن ەسكەرە كەلگەندە, قازاقستاندا ينتەرنەت-ساۋدانى دامىتۋدىڭ جوعارى الەۋەتى بار», دەلىنگەن حابارلامادا.
ايتا كەتەيىك, 2029 جىلعا قاراي ەلەكتروندىق ساۋدا كورسەتكىشىن ءۇش ەسەگە ۇلعايتۋ جانە ونى 9,3 ترلن تەڭگەگە دەيىن جەتكىزۋ جوسپارلانىپ وتىر.
«بۇل سالانى ىلگەرىلەتۋ ءۇشىن ۇكىمەت ونلاين-كوممەرتسيانى دامىتۋ جوسپارىن قابىلدادى. ول ەلەكتروندىق ساۋدا ماسەلەلەرى بويىنشا زاڭنامانى جەتىلدىرۋدى, ەلىمىزدىڭ بارلىق وڭىرىندە ەلەكتروندىق ساۋدانى وقىتۋ كۋرستارىن ىسكە قوسۋدى, كاسىپكەرلەر ءۇشىن ەلەكتروندىق ساۋدادا مەملەكەتتىك قولداۋدىڭ قارجىلىق شارالارىن ەنگىزۋدى كوزدەيدى», دەپ حابارلادى ۇكىمەتتىڭ ءباسپاسوز قىزمەتى.
