فوتو: carboys.ru
پوليتسيا قىزمەتكەرلەرىنىڭ جەدەل ىزدەستىرۋ شارالارىنان كەيىن بەينەكامەرالاردىڭ كومەگىمەن بۇزاقىلىق جاساعان ءتورت ءجاسوسپىرىم ۇستالعان. كامەلەت جاسىنا تولماعان بالالارىن تۇنگى ۋاقىتتا قاداعالاماعانى ءۇشىن قۇقىق بۇزۋشىلاردىڭ اتا-انالارى اكىمشىلىك جاۋاپكەرشىلىككە تارتىلۋى مۇمكىن.
«جاسوسپىرىمدەر كامەلەت جاسىنا تولماعاندىقتان قاساقانا جاساعان ارەكەتتەرى ءۇشىن جاۋاپكەرشىلىككە تارتىلمايدى. بىراق بۇل ءىستى رۋدنىي قالاسى اكىمدىگى جانىنداعى كامەلەتكە تولماعاندار ىستەرى جونىندەگى كوميسسيا قاراپ, شەشىم قابىلدايدى. بالالار ىشكى ىستەر دەپارتامەنتىنىڭ ەسەبىنە الىنۋى مۇمكىن نەمەسە تاربيە جۇمىسىنا دۇرىس كوڭىل بولمەگەنى ءۇشىن اتا-انالارى جاۋاپقا تارتىلادى», دەلىنگەن ۆەدومستۆو حابارلاماسىندا.
كولىگىنە زاقىم كەلگەن ءۇش تۇلعا پوليتسياعا ارىز تۇسىرگەن. كەلتىرىلگەن شىعىندى كولىك يەلەرى وزدەرى باعالايدى. ولارعا ازاماتتىق شىعىندى وتەۋ ءۇشىن سوتقا جۇگىنۋ ۇسىنىلعان.
