سىن ساعاتتا سىنىپ كەتپەدىك

حالىق ۇنىنە قۇلاق اساتىن مەملەكەتتىڭ جاۋاپ­كەر­شىلىگى – تەك بيلىكتىڭ ەمەس, بارشامىزدىڭ پارىزىمىز. ادىلەتتىلىك تۇرعىدا ءار­بىرىمىزدىڭ سانا-سەزىمىمىز, ءىسىمىز, قۇندىلىقتارىمىز, ويىمىز ەلىمىزدىڭ مۇددەسى جولىندا توعىسقاندا تاۋەلسىزدىگىمىز نى­عايا بەرمەك. ءبىز كورونوۆيرۋس ىندەتىنەن بەرى بىرنەشە كۇردەلى داعدارىس جاعدايلارىن وڭ شەشە الدىق. ولاردىڭ بارلىعى ەڭسەسىمىزدى تۇسىرمەي, قاتايا تۇسەتىنىمىزدى كورسەتتى, حالقىمىزدى بىرىكتىرە ءتۇستى. ءاربىر كوكىرەگى وياۋ سانالى ازاماتتار بۇل شارالاردان تىس قالعان جوق. مىسالى, پرەزيدەنت بىلتىرعى سۋ تاسقىنى سالدارىنان قانداي ساباق الىنىپ, جاسالىپ جات­قان ماڭىزدى ءىس-شارالارعا توق­تالدى. ءىس-شارالاردىڭ قاتا­رىندا سۋ رەسۋرستارىن باس­قارۋ تۇجىرىمداماسى, ونى ورىنداۋدىڭ كەشەندى جوس­پارى بار. قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى اشىلدى. قازىر پارلامەنتتە سۋ كودەكسى قارالىپ جاتىر. مەملەكەت باسشىسى ءار قيىن­دىق­تىڭ قايىرى بار دەپ, ءار نارسەگە بايبالام سالماي, با­يىپ­تى بولۋعا شاقىرادى.

پرەزيدەنت سۇحباتىندا: «بىلتىرعى تاسقىن ەلىمىز ءۇشىن زور سىناق بولدى. مۇنداي الاپات تاسقىن قازاقستاندا بۇرىن بولماعان. مەملەكەت وراسان زور قاۋىپتىڭ بەتىن قايتارۋ ءۇشىن شۇعىل شارالار قابىلدادى», دەپ اتاپ وتكەن ەكەن. سول تۇرعىدا سۋ تاسقىنى سالدارىنان مۇلكى زاقىمدانعان ازاماتتارعا جان-جاقتى كومەك كورسەتىلدى. وڭىرلەردە تۇرعىن ۇيلەر, الەۋمەتتىك نىساندار, ينفراقۇرىلىمدار سالۋ, قالپىنا كەلتىرۋ جۇمىستارى قىزۋ جۇرگىزىلدى. ايتالىق, ۇكىمەتتىڭ رەسمي دەرەكتەرىنە سۇيەنسەك, 36 455 وتباسىنا جالپى سوماسى 13,3 ملرد تەڭگە, 100 اەك مولشەرىندە بىرجولعى الەۋمەتتىك كومەك كورسەتىلدى. 21 876 وتباسىنا 9,9 ملرد تەڭگە كولەمىندە 150 اەك-كە دەيىنگى وتەماقى تولەندى. توتەنشە جاعداي جاريالانعان ايماقتاردا اتاۋلى الەۋمەتتىك كومەك بەرۋ وتباسىلاردىڭ ماتەريالدىق جاعدايىن جەر­گىلىكتى كوميسسيانىڭ تەكسە­رۋىنسىز, اۆتوماتتى تۇردە ءىىى توقسانعا ۇزارتىلدى. ناتي­جەسىندە, 3,6 مىڭ وتباسىنا 655,7 ملن تەڭگە كولەمىندەگى ااك تولەمى تاعايىن­دالدى. سۋ تاسقىنىنان زارداپ شەككەن وڭىرلەردە كوميسسيالار ازاماتتاردىڭ جالعىز باسپاناسى بولعان 19 359 سۋ باسقان ءۇي مەن ساياجاي قۇرىلىستارىن تەكسەردى. تۇرعىنداردى باسپانامەن قامتۋ ماقساتىندا جىلجىمايتىن م ۇلىك نارىعىنان 5 767 تۇرعىن ءۇي ساتىپ الىندى. جوندەۋ جۇمىستارى 9 156 ۇيدە 100% اياقتالدى. بۇل ماق­ساتتا بارلىعى 54,7 ملرد تەڭگە ءبولىندى. سونداي-اق قىسقا مەرزىمدە 64 ملرد تەڭگەگە 2 680 جەكە تۇرعىن ءۇي سالىندى. ءبىر سوزبەن ايتقاندا, قىزىل سۋدان زارداپ شەككەن وتباسىلاردىڭ بارلىعى دا كومەك-قولداۋسىز قالمادى. مىنە, وسىنىڭ ءبارى – بىرلىگى بەكەم ەلدىڭ تىرلىگى.

ناۋرىزباي بايقاداموۆ,

سەنات دەپۋتاتى