بيىل الماتىداعى 2 مىڭنان استام جاياۋ جۇرگىنشى وتكەلىن جاڭارتۋ جوسپارلانىپ وتىر. بۇل جول بەلگىلەرىنىڭ كورىنۋىن ارتتىرىپ, جول-كولىك وقيعالارىنىڭ الدىن الۋعا مۇمكىندىك بەرەدى. سونىمەن قاتار كولىك لەگىن رەتتەۋ, قوزعالىستى جۇيەلەۋ, جولدا قوزعالىس تيىمدىلىگىن ارتتىرۋدا ماڭىزدى ءرول اتقاراتىن بويلىق جول تاڭبالارىن سىزۋ جۇمىستارى قاتار جۇرگىزىلىپ جاتىر.
جالپى جۇمىس كولەمى كەمىندە 300 مىڭ شارشى مەتر جول تاڭباسىن قامتيدى. تاڭبالار نەگىزىنەن تۇنگى ۋاقىتتا سىزىلادى. بۇل كولىك قوزعالىسىنا تۇسەتىن جۇكتەمەنى ازايتىپ, جۇمىستى جەدەل ءارى ءتيىمدى ورىنداۋعا جاعداي جاسايدى.
جۇمىستار كەزەڭ-كەزەڭىمەن, كولىك قوزعالىسىنىڭ قارقىنىن جانە تۇرعىنداردىڭ ءوتىنىشىن ەسكەرە وتىرىپ جۇرگىزىلەدى.
