العاشقى جىلى نەگىزىنەن وسى وڭىردەن شىققان اباي, شاكارىم, مۇحتار سىندى ۇلىلاردىڭ شىعارمالارى باسىلعان. سونىمەن بىرگە جەرگىلىكتى اۆتورلار مەن سىرتتاعى سەمەيلىك قالامگەرلەردىڭ دە شىعارمالارى مۇمكىندىگىنشە كەڭىنەن قامتىلىپ جاتىر. ايتالىق, بيىل ا.ەسپەنبەتوۆ, ت.جانعاليەۆ, م.وسپانوۆ, ا.ابىلقاسىموۆ سىندى جەرگىلىكتى جانە ق.ءجۇمادىلوۆ, ە.سىدىقوۆ, ر.مۇقانوۆا, د.سەيسەن ۇلى, ءا.قايران, س.قاليەۆ, د.كاپ ۇلى, ا.ەلگەزەك, س.دۇيسەنعازين سىندى سىرتتاعى سەمەيلىك قالامگەرلەردىڭ شىعارمالارى وقىرمانعا جول تارتىپتى.
وسى اۆتورلاردىڭ اراسىنداعى داۋلەت سەيسەن ۇلى ءجۇز جىلدان استام تاريحى بار «Egemen Qazaqstan» گازەتىنىڭ ارداگەرى. ارىپتەسىمىزدىڭ بۇدان بۇرىن «اباي الەمى» اتتى سەرياسىمەن كورنەكتى ابايتانۋشى عالىم قايىم مۇحامەدحانوۆ تۋرالى «ەر قازاق» اتتى كولەمدى شىعارماسى شىققان. ال وسى جولعى دەرەكتى كىتابى «تۇعىرى بيىك تۇلعالار» دەپ اتالادى. ونىڭ العاشقى تاراۋىندا اباي مەن شاكارىمنىڭ شىعارماشىلىعى تىلگە تيەك ەتىلسە, ەكىنشى بولىمىندە ەرتىستىڭ سەمەي وڭىرىنەن شىققان ب.تولەگەنوۆا, ك.ساكيەۆا, ت.بازارباەۆ, م.ەشەكەەۆ, ب.سىبانوۆ, ج.كارمەنوۆ, ج.شاكارىم, ك.مىرجىقباي, ت.راحيموۆ, ك.ولمەسەكوۆ سىندى جيىرماعا جۋىق ءانشى, كۇيشى, بيشىلەر تۋرالى ءسوز قوزعايدى. ول سونىمەن بىرگە ەرتەدەن رۋحانياتتىڭ ورتالىعىنا اينالعان كونە سەمەيدەگى تەاتر, مۋزەي, كىتاپحانا تاريحىنان دا سىر شەرتەدى. ارىپتەسىمىزدىڭ دەرەكتى كىتابىندا سونىمەن بىرگە ۇلىلار ەلىندەگى ايشىقتى ورىندار مەن شەجىرەلى وقيعالار دا مۇمكىندىگىنشە قامتىلعان. ال ونداي ماتەريالداردىڭ ۇلىلار ەلىندە ءتۋريزمدى دامىتۋعا سەپتىگى تيەتىندىگىنە سەنەمىز.
– وسى ورايدا, تىڭ يدەياعا سەرپىن بەرىپ وتىرعان وبلىس باسشىلىعىمەن بىرگە اتالمىش سەريانىڭ باس رەداكتورى ا.ەسپەنبەتوۆ, اباي كىتاپحاناسىنىڭ ديرەكتورى م.قارت جانە اتالعان كىتاپحانانىڭ قىزمەتكەرى گ.ايازباەۆاعا قالامگەرلەر اتىنان العىس ايتامىن. اباي تەاترىندا «داريعا-اي» جاستار تەاترىنىڭ كۇشىمەن جاسى جۇزگە كەلگەن ايگىلى سكريپكاشى ايتكەش توعانباەۆتىڭ ونەردەگى قىزىق تا قيىن تاعدىرى تۋرالى جازىلعان «ماەسترو» اتتى دراما-رەكۆيەمىمىز قويىلدى. ۇلىلار ەلى قاي جاعىنان بولسىن دامىپ, وركەندەي بەرسىن! – دەيدى ارداگەر جۋرناليست-جازۋشى.
الماتى
