فوتو: ۆيديو سكرين
بۇگىن جەتىسۋ وبلىسىنا قاراستى اقسۋ اۋدانىندا, كوشكەنتال اۋىلىنىڭ ماڭىندا ءتورت جەڭىل اۆتوكولىك قار قۇرساۋىندا قالىپ قويعان. توتەنشە جاعدايلار قىزمەتكەرلەرى قيىن جاعدايعا تاپ بولعان جولاۋشىلاردى قاۋىپسىز جەرگە جەتكىزدى.
«قۇتقارۋشىلار دەرەۋ وقيعا ورنىنا شىعىپ, قار قۇرساۋىنان بارلىعى 13 ادام, ونىڭ ىشىندە 1 بالانى قۇتقارىپ, قاپال اۋىلىنا جەتكىزدى. مەديتسينالىق كومەك قاجەت بولمادى», دەلىنگەن حابارلامادا.
تجم قىزمەتكەرلەرى ساپارعا شىعار الدىندا كولىكتىڭ تەحنيكالىق جاعدايىن تەكسەرىپ, اۋا رايى جاعدايىن قاداعالاۋدى ەسكەرتەدى. ەسكە سالايىق وسىعان دەيىن تالدىقورعان-قىزىلاعاش جولى جابىلعانىن جانە اقسۋ اۋدانىندا كولىك قوزعالىسىنا شەكتەۋ قويىلعانىن جازعانبىز.
