ابىلايحان كاسىموۆ توقتاسىن ۇلى 1991 جىلى 24 شىلدەدە الماتى قالاسىندا دۇنيەگە كەلگەن. اكەسى – جيھاز شەبەرى, اناسى – اسپاز. بالا كەزىنەن ونەرگە جاقىن بولىپ, بالاباقشادا بي مەن انگە قىزىعۋشىلىق تانىتتى. ەرتە جاستان وقۋدى, ساناۋدى ۇيرەنىپ, بەلسەندى ءارى كوڭىلدى بالا رەتىندە ەرەكشەلەندى.
“1998 جىلى № 59 ورتا مەكتەپكە قابىلدانىپ, ءبىرىنشى سىنىپتان دومبىرا ۇيرەنە باستادىم. وقۋ وزاتى جانە مۇعالىمدەردىڭ سۇيىكتى وقۋشىسى بولدىم. باستاۋىش سىنىپتاردا ءان ايتۋ جارىستارىنا قاتىسىپ, ونەرلىلىگىمەن تانىلدىم. جوعارى سىنىپتاردا تەاترلىق قويىلىمدارعا قىزىعۋشىلىق تانىتىپ, مەكتەپ شارالارىندا كۇلكىلى ساحنالىق كورىنىستەر قويۋدى ۇناتاتىنمىن. ءجاسوسپىرىم شاعىمدا مۋزىكا جاساۋ مەن ءان جازۋعا بەت بۇرىپ, 15–20 اۆتورلىق ءان شىعاردىم. 2009 جىلى كوماندالىق رەپ-باتتلدا جەڭىسكە جەتىپ, شىعارماشىلىققا دەگەن ىنتاسىن نىعايتتى”, — دەيدى ول.
ۋنيۆەرسيتەتكە تۇسكەننەن كەيىن كۆن ويىندارىنا قاتىسقان ابىلاي, ءبىرىنشى جىلى-اق فاكۋلتەتارالىق ويىنداردىڭ چەمپيونى اتانىپ, كەيىننەن ۋنيۆەرسيتەتتىڭ قۇراما كومانداسىنا قابىلدانىپ, 2010 جىلى رەسپۋبليكالىق «الماتاي» ليگاسىندا جەڭىسكە جەتتى.
كۆن جولىندا كەلەسى جەتىستىكتەرگە قول جەتكىزدى:
رەسپۋبليكالىق “الماتاي” ليگاسى 2010. چەمپيون
حالىقارالىق “ازيا ميكس” ليگاسى. بيشكەك. 2011. 3-ورىن
جايدارمان. پرەمەر ليگا 2011. 3 ورىن
جايدارمان. جوعارى ليگا 2012. 2 ورىن
جايدارمان. جوعارى ليگا 2013. 2 ورىن
جايدارمان. جوعارى ليگا 2014. چەمپيون
رەسپۋبليكالىق اشىق ليگا 2013. چەمپيون
مەجدۋنارودنىي كۋبوك اكيما جامبىلسكوي وبلاستي 2013. جەڭىمپاز.
الماتى اشىق ليگاسى 2012 چەمپيون
اياگوز اكىم كۋبوگى 2015 جىل. جەڭىمپاز.
شىمكەنت اكىم كۋبوگى 2014 جىل. 2 ورىن
كۋبوك حابارا 2012 “ۇزدىك ءۇي تاپسىرماسى”
توت سامىي كۆن 2017 “كراساۆچيكي كۆن” كۋبوگىنىڭ يەگەرلەرى
“كۆن ويىندارىمەن قاتار, «باس پروداكشن» پروديۋسەرلىك ورتالىعىندا جۇمىس ىستەپ, سكەتچتەر جازۋدان باستاپ, كەيىن سەريالدار ستسەناريىن جازۋعا كوشتىم. كوپتەگەن تابىستى جوبالاردىڭ اۆتورى اتانىپ, قازاق تەلەۆيزياسى مەن يۋمورىنا ەلەۋلى ۇلەس قوستىم دەپ ايتا الامىن”, — دەيدى ابىلايحان.
اۆتور, ستسەناريست رەتىندە ىستەگەن جوبالارى:
“ۆۋزەرى — 3”, “اۋىلداستار”, “اۋىلداستار — 2”, “اۋىلداستار — 3” “اۋىلداستار — 4”, “كەنجە”, “كورىمدىك”, “ابىسىندار”, “پالەنشەەۆتەر-2”, “پالەنشەەۆتەر-3”, “باسەكە”, “باسەكە-2”, “تەنتەك”, “قىزىق Times”, “قىزىق پرەميا”, “توي بازار”, “توي زاكاز”, “ۇ-night show”, “DiNaZaur”, “بۋماجنىي دوميك”, “1001 كەڭەس”, ء“زىل-ءازىل”, “پاترۋل”, “Apple سيتي”
ستسەناريستىك قىزمەتىنەن بولەك, ابىلايحان اكتەرلىك شەبەرلىگىن دە شىڭداپ, «ايجان», «باقىتسىزدار باعى», «الماسيتي», ء«زىل-ءازىل» سياقتى تانىمال سەريالداردا رولدەر سومدادى. «باسەكە» سەريالىندا ەپيزودتىق رولدەردە كورىندى. اسىرەسە, «بۋماجنىي دوم» سەريالىنىڭ پارودياسى بولىپ تابىلاتىن «بۋماجنىي دوميك» فيلمىندە اۆتور جانە باستى ءرولدى ورىنداۋشى رەتىندە ەرەكشە كوزگە ءتۇستى.
“دومبىرا مەن گيتارادا شەبەر وينايتىنمىن. سوڭعى جىلدارى YouTube ارناسى, Instagram جانە TikTok جەلىلەرىندە بەلسەندىلىك تانىتىپ, قوماقتى جازىلۋشىلار سانىن جيناپ, ءوز اۋديتوريام پايدا بولىپ, قولداۋشىلارىم تابىلدى. رەجيسسۋرا كۋرستارىن ءتامامداپ, كاسىبي بىلىكتىلىگىمدى ارتتىردىم”, — دەيدى ابىلايحان قاسىموۆ.
بولاشاقتا اقش-تا تاجىريبە جيناقتاپ, قازاق كينوونەرىن الەمدىك دەڭگەيگە كوتەرۋدى ماقسات ەتەدى. ونىڭ ماقساتكەرلىگى مەن كوپقىرلى تالانتى قازىرگى قازاق مەديا كەڭىستىگىندەگى ماڭىزدى تۇلعالاردىڭ ءبىرى رەتىندە تانىلۋىنا سەپتىگىن تيگىزۋدە.
