اتموسفەراعا زياندى شىعارىندىلاردى ازايتۋ جانە كومىردەن گازعا كوشۋ – «AMANAT» پارتياسىنىڭ سايلاۋالدى باعدارلاماسىنىڭ باستى تارماقتارىنىڭ ءبىرى.
اتاپ ايتقاندا, تەمىرتاۋدا تابيعي گاز 3 مىڭنان استام ۇيگە قوسىلعان. الداعى ۋاقىتتا تاعى شامامەن 3500 تۇرعىن ءۇيدى گازبەن قامتۋ جوسپارلانىپ وتىر. بۇل تەك قالا ەكولوگياسىن جاقسارتىپ قانا قويماي, تۇرعىنداردىڭ جىلىتۋعا كەتەتىن شىعىندارىن دا ازايتادى. جالپى, 8 گاز كەشەنى ءۇش كەزەڭدە ىسكە قوسىلماق. بۇگىن ءماجىلىس دەپۋتاتتارى قالاداعى گازداندىرۋ جۇمىستارىنىڭ بارىسىمەن تانىستى.
«قازىرگى تاڭدا 4 گاز تاراتۋ ستانتسياسى ىسكە قوسىلدى. جوسپاردا تاعى 4 ستانتسيانى ىسكە قوسىپ, كەيىن ابونەنتتەردى قوسۋ جۇمىستارى جۇرگىزىلەدى. مۇنىڭ بارلىعى ەكولوگيالىق جانە الەۋمەتتىك جاعىنان وڭ اسەرىن بەرەدى, سەبەبى كومىرمەن جىلىتۋ قيىن ءارى قىمبات. قازىر كومىردىڭ تونناسى شامامەن 25 مىڭ تەڭگە تۇرادى, ال كوگىلدىر وتىن ودان ارزان», دەدى دەپۋتات باۋىرجان سماعۇلوۆ.
ارمان قالىقوۆتىڭ ايتۋىنشا, مەملەكەت باسشىسى قاسىم-جومارت توقاەۆ ءوزىنىڭ سايلاۋالدى باعدارلاماسىندا تۇرعىنداردى گازبەن قامتاماسىز ەتۋ بويىنشا ناقتى مىندەتتەر قويدى. سونداي-اق پرەزيدەنت ازاماتتاردى «كوگىلدىر وتىنعا» قوسۋ جۇمىستارىن جانداندىرۋدى بىرنەشە رەت تاپسىرعان بولاتىن.
«گازداندىرۋ كومىر گەنەراتسياسىن پايدالانۋدى ەداۋىر قىسقارتادى, ول اۋا تازالىعىن قامتاماسىز ەتەدى. ال بۇل – تەمىرتاۋلىقتار ءجيى كوتەرەتىن ماسەلەنءىڭ ءبىرى», دەدى ارمان قالىقوۆ.
سونىمەن قاتار مۇقتاج وتباسىلار ءۇشىن مەملەكەتتىك قولداۋ باعدارلاماسى قاراستىرىلعان. جۇمىسپەن قامتۋ جانە الەۋمەتتىك باعدارلامالار ءبولىمى ارقىلى گازداندىرۋعا سۋبسيديا الۋعا بولادى.
دەپۋتاتتار سونداي-اق «Qarmet» مەتاللۋرگيالىق كومبيناتىنىڭ گازعا كوشۋ بارىسىمەن تانىستى. كاسىپورىندا سىرتقى جانە ىشكى گاز قۇبىرى سالىنادى. جۇمىستاردىڭ 60 پايىزدان استامى اياقتالعان. كومبينات وكىلدەرىنىڭ ايتۋىنشا, ءوندىرىستى گازداندىرۋ جوباسى كاسىپورىننان 25 شاقىرىم قاشىقتىقتا ورنالاسقان «سارىارقا» گاز قۇبىرىنا قوسىلۋ ارقىلى جۇزەگە اسادى. كومبيناتتىڭ گازعا كوشۋى مازۋتتى پايدالانۋدان باس تارتۋعا مۇمكىندىك بەرىپ, اتموسفەراعا زياندى شىعارىندىلاردى كەم دەگەندە 30 پايىزعا قىسقارتۋعا جول اشادى.
ايتا كەتەيىك, قازىرگى ۋاقىتتا ءماجىلىس دەپۋتاتتارىنىڭ جۇمىسىندا حالىقتى گازبەن قامتاماسىز ەتۋ جانە تۇرمىستىق گازدى ۇنەمدەۋ ماسەلەلەرى بويىنشا زاڭ جوباسى قارالىپ جاتىر. ونىڭ ىشىندە زاڭ جوباسى حالىق پەن زاڭدى تۇلعالار ءۇشىن قولدانىستاعى تاريفتەردى قايتا قاراۋعا مۇمكىندىك بەرەدى.
