فوتو: ۋيكيپەديا
ەسكە سالايىق, وسىعان دەيىن ەكى ەل سىرداريا وزەنىنىڭ باسسەينىندە اۆتوماتتاندىرىلعان سۋدى ەسەپكە الۋ جۇيەسى ورناتىلاتىن 10 ۋچاسكەنى انىقتاعان, ولاردىڭ 5-ءى ەلىمىزدىڭ اۋماعىندا, تاعى 5 ۋچاسكە وزبەكستان اۋماعىندا.
سالا ۆەدومستۆوسىنىڭ ءباسپاسوز قىزمەتىنىڭ ءمالىم ەتۋىنشە بۇگىندە تاراپتار حالىقارالىق قارجى ۇيىمدارىمەن كەلىسسوزدەر جۇرگىزىپ جاتىر. جوبا بويىنشا جالپى تەحنيكالىق تاپسىرمانى حالىقارالىق ىنتىماقتاستىق جونىندەگى گەرمان قوعامى (GIZ) ازىرلەيدى.
«بارلىق نەگىزگى سۋ بەكەتتەرىن اۆتوماتتاندىرۋدى جانە سۋ ەسەبىنىڭ تولىق اشىقتىعىن قامتاماسىز ەتۋدى جوسپارلاپ وتىرمىز. بۇل ماسەلەنى ءبىز قىرعىز جانە تاجىك ارىپتەستەرىمىزبەن دە كەلىسسوزدەر بارىسىندا بەلسەندى تۇردە العا تارتىپ جاتىرمىز», دەدى سۋ رەسۋرستارى جانە يرريگاتسيا ۆيتسە-ءمينيسترى نۇرلان الدامجاروۆ.
