وعان بۇل يدەيا ارىپتەستەرىمەن اڭگىمەلەسىپ وتىرىپ, كارتيناسىنا كەزدەيسوق شاي توگىپ العان ساتتە كەلگەن. «العاشىندا تەك شايمەن جۇمىس ىستەدىم. بىراق ونىڭ ءتۇسى جەتكىلىكسىز بولعاندىقتان, كوفەنى قوسا باستادىم. بۇلاردىڭ ۇيلەسىمى كارتينالارعا ەرەكشە سيپات بەرەدى», دەيدى لاشاري. وسى كۇنى قىلقالام شەبەرىنىڭ شىعارماشىلىق قورجىنىندا پاكىستاننىڭ تاريحي عيماراتتارى بەينەلەگەن 33 تۋىندى بار.
تولقىنعا توسقاۋىل
يندونەزيادا تسۋنامي بولاتىنىن الدىن الا ەسكەرتەتىن جاڭا جۇيە سىناقتان ءوتىپ جاتىر.
قازىردىڭ وزىندە اتالعان مەملەكەتتە وسىنداي 20-دان استام قۇرىلعى ورناتىلعان. تەحنولوگيا قالىپتى ۋاقىت رەجىمىندە اقپارات جيناپ, ساراپتايدى. ءتىپتى سەكۋند سايىن جەر استىنداعى تيتىمدەي بولسىن تەربەلىستەردىڭ كورسەتكىشىن ەسەپتەپ وتىرادى. جوبا جەتەكشىسى تەۋكۋ حافيد ءتسۋناميدىڭ قاسىرەتىن ءبىر كىسىدەي تارتقان. 2004 جىلى الىپ تولقىندار ونىڭ بۇكىل وتباسىن جۇتىپ قويدى. وسىدان كەيىن ول ءتسۋناميدى زەرتتەۋگە بۇكىل عۇمىرىن ارناۋعا بەل بۋعان. «ناقتى قاتەر تونگەن جاعدايدا تۇرعىندارعا سمس-حات, راديو نەمەسە دابىل ارقىلى بەلگى بەرىلەدى. بۇل ۇلكەن ادام شىعىنىنىڭ الدىن الۋعا ايتارلىقتاي كومەكتەسەدى», دەيدى ول.
ويدى وقيتىن چيپ
قىتاي عالىمدارى ادامنىڭ ويىن وقىپ, سوزگە اينالدىرۋعا قابىلەتتى چيپ جاساپ شىعاردى.
اتالعان قۇرىلعى سويلەۋ قابىلەتىن جوعالتقان ناۋقاستىڭ ميىنا ورناتىلدى. 256 ارنالى ءچيپتىڭ كومەگىمەن پاتسيەنتتىڭ ميىنان الىنعان دەرەكتەردى دەكودتاۋ ارقىلى ادام تۇيسىگىندەگى ويلاردى ەكراننان وقۋعا بولادى. وتادان كەيىن 48 ساعات وتكەن سوڭ ناۋقاس ۇستەل تەننيسى مەن ونلاين ويىنداردى ەشبىر فيزيكالىق قوزعالىسسىز ءساتتى ويناعان.
