فوتو: gov.kz
وعان الەمنىڭ 57 ەلىنەن 2000-عا جۋىق سپورتشى قاتىسادى. جارىستا سپورتتىڭ 11 تۇرىنەن 90 مەدال جيىنتىعى ساراپقا سالىنادى.
ەلىمىزدىڭ نامىسىن 10 سپورت تۇرىنەن (بياتلون, شاڭعى جارىسى, قىسقى سپورتتىق باعدارلاۋ, فريستايل, مانەرلەپ سىرعاناۋ, شايبالى حوككەي (ەرلەر, ايەلدەر), پاراشاڭعى جارىسى, تاۋ شاڭعىسى جارىسى, شورت-ترەك) 103 سپورتشى قورعايدى.
دۇنيەجۇزىلىك ءحححىى قىسقى ۋنيۆەرسيادانىڭ سالتاناتتى اشىلۋ ءراسىمى 13 قاڭتار كۇنى ساعات 19:30-دا تۋرين قالاسىنداعى «Inalpi Arena»-دا وتسە, جابىلۋ ءراسىمى 23 قاڭتاردا ساعات 20:00-دە وتەدى.
ۋنيۆەرسيادانىڭ ماقساتى – جاستار مەن جاسوسپىرىمدەردى سپورتقا ىنتالاندىرۋ, سالاۋاتتى ءومىر سالتىن ناسيحاتتاۋ, بۇقارالىق سپورتتى دامىتۋ, سونداي-اق جاستاردىڭ بەلسەندى ءومىر سالتىن قالىپتاستىرۋعا ىقپال ەتۋ.
عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنىڭ مالىمەتىنشە قازاقستان ستۋدەنتتىك قۇراما كومانداسى ەڭ ۇزدىك ناتيجەنى 2017 جىلى الماتىدا وتكەن ۋنيۆەرسيادادا كورسەتىپ, جالپى مەدال ەسەبىندە ەكىنشى ورىن 36 مەدال (11 التىن, 8 كۇمىس, 17 قولا) جەڭىپ العان.
