پرەزيدەنتتىك ارناۋلى ادەبي سىيلىعى بايقاۋىنا قاتىسقان جاس قالامگەرلەردىڭ ءبارى دە ولقى ەمەس. ەسىمدەرى وقىرمانعا جاقسى تانىس. ايتالىق, «پروزا» اتالىمىندا ەسبول سوتسيالحاننىڭ «2026» شىعارماسى ۇزدىك دەپ تانىلسا, «دراماتۋرگيا» اتالىمىندا «اپاتاي» درامالىق تۋىندىسى ءۇشىن الىشەر ايتۋاردىڭ جۇلدىزى جاندى. ال «بالالار ادەبيەتى» اتالىمىندا «روكەت ەرا. سينوپسيس» پوۆەسى ءۇشىن اسەت سىزدىقوۆ دارالاندى. ءبىزدىڭ جانىبەك «پوەزيا» اتالىمىن «بوز ۇشقات» ولەڭدەر جيناعىمەن يەلەندى.
بۇگىنگە دەيىن جانىبەك ءاليماننىڭ ەكى-ءۇش جىر جيناعى جارىق كورگەن. قازاقى قارا ولەڭنىڭ قاينارىن قانىپ ىشكەن جاس اقىننىڭ پوەزياسى ۇلتتىق رۋحقا تولى. اسىرەسە ولەڭدەرىندەگى ەركىندىك پەن سىرشىلدىق وقىرمانىن بەيجاي قالدىرمايدى.
ادەبيەت سىنشىلارىنان دا جوعارى باعاسىن الىپ ءجۇر. سوندىقتان جاس اقىننىڭ بۇل سىيلىققا يە بولۋى زاڭدى دا. ايتپاقشى, «ەگەمەننىڭ» تالانتتى اقىنى جانىبەكپەن قاتار «كازپراۆدانىڭ» وعىلانى, بالالار جازۋشىسى اسەت تە بايقاۋ جەڭىمپازى اتاندى. قىسقاسى, بۇل «قازاق گازەتتەرى» سەرىكتەستىگى قىزمەتكەرلەرىنىڭ شىعارماشىلىعى الەۋەتىنىڭ مىقتىلىعىنىڭ دالەلى.
