جاڭا جوبانىڭ ناتيجەسى

جوبانىڭ ماڭىزدى جەتىستىك­تەرىنىڭ ءبىرى – بالاباقشا ورىن­دارىنا «كەزەككە تۇرۋ» ماسەلەسىن شەشۋ بولدى: ۆاۋچەرلەردى الۋ كەزەگى تەك قانا العا جىلجيدى. جۇيە قاتىسۋشىلارعا تەڭ جاعدايدى قامتاماسىز ەتتى, بۇل اتا-انالاردان تۇسكەن 30,8 مىڭ جاڭا وتىنىممەن راستالدى. تاراز بەن تۇركىستاندا 2 جاس­تان اسقان بالالارعا ارنالعان كەزەك تولىعىمەن قاناعاتتاندىرىلدى, ال شىمكەنت پەن ورالدا ونى ازايتۋ جونىندە وڭ ديناميكا بايقالدى. تارازدا جۇيەنىڭ ءساتتى ىسكە اسىرىلۋى ناتيجەسىندە, ۆاۋچەرلەردى بالا­لارعا 1,5 جاستان باستاپ بەرۋ جاعى قاراستىرىلىپ, بالاباقشا ءبىلىمىن ەرتە الۋعا جاڭا جول اشىلدى.

ۆاۋچەرلىك قارجىلاندىرۋدىڭ جاڭا جۇيەسى اتا-انالارعا مەكتەپكە دەيىنگى ۇيىمدى تاڭداۋ ەركىندىگىن جانە ۆاۋچەردى جوعالتپاي مەكەمەلەر اراسىندا اۋىسۋ مۇمكىندىگىن بەردى. بۇل ءبىلىم بەرۋ مەكەمەلەرىن قىزمەت ساپاسىن ارتتىرۋعا جانە اتا-انالاردىڭ نازارىن وزدەرى­نە اۋدارۋعا ىنتالاندىردى. ناتي­جەسىندە «حالىقتىق رەيتينگ» دەپ اتالاتىن وبەكتيۆتى جۇيە قالىپ­تاسا باس­تادى, ول وتباسىلاردىڭ تاڭداۋىنا نەگىزدەلگەن.

بارلىق بيزنەس-پروتسەستەر اۆتوماتتاندىرىلدى, بۇل قاعازباس­تىلىقتى جويۋعا مۇمكىندىك بەردى. ازىرلەنگەن تسيفرلىق مودۋل ءاربىر بالانىڭ «تسيفرلىق پورترەتىن», سونىڭ ىشىندە ۆاۋچەردىڭ مولشەرى مەن قۇرالداردىڭ قوزعالىس تراەكتورياسى تۋرالى اقپاراتتى جۇرگىزۋگە مۇمكىندىك بەرەدى.

سونىمەن قاتار قاناتقاقتى جوبانىڭ اياسىندا تاۋەكەلدەردى باسقارۋ جۇيەسى ەنگىزىلدى. بۇل پروتسەس­تەردەگى اۋىتقۋلاردى ۋاق­تىلى انىقتاۋعا جانە ولاردى جويۋ ءۇشىن قاجەتتى شارالاردى قابىلداۋعا مۇمكىندىك بەرىپ, جۇيەگە دەگەن سەنىمدىلىكتى ودان ءارى نىعايتتى.

تارازدا جوبانى جۇزەگە اسىرۋ بارىسىندا باسقا وڭىرلەردەن كەلگەن تاربيەلەنۋشىلەردى تىركەۋ, سالىق تۇسىمدەرىنىڭ بولماۋى جانە مالىمەتتەردى بۇرمالاۋ سياقتى بۇزۋشىلىقتار انىقتالدى. وسى تەكسەرۋلەردىڭ ناتيجەسىندە ەكى ايدا 600 ملن تەڭگە تىكەلەي ۇنەمدەۋگە قول جەتكىزىلىپ, كەزەكتىڭ قىسقارۋىنان جالپى ۇنەم 5,4 ملرد تەڭگەنى قۇرادى.

شىمكەنتتە دە ۇقساس ماسەلەلەر انىقتالدى, ونىڭ ىشىندە مالىمەت­تەردەگى سايكەسسىزدىكتەر بولدى. ءبىر بالاباقشاعا قارجىلاندىرۋ توقتاتىلدى. بالالاردىڭ ناقتى قاتىسۋىن ەسەپكە الۋ ارقىلى ۇنەمدەۋ 1,5 ملرد تەڭگەنى قۇرادى.

تۇركىستاندا باسقا وڭىرلەردە تۇراتىن تاربيەلەنۋشىلەردىڭ تىركەلۋى انىقتالدى. بۇل ءبىر اي ىشىندە 50 ملن تەڭگە ۇنەمدەۋگە اكەلىپ, كەزەكتىڭ قىسقارۋى ناتيجەسىندە جالپى ۇنەم 168 ملن تەڭگەنى قۇرادى.

ورالدا تاربيەلەنۋشىلەردىڭ ءبىر بولىگى باسقا وڭىرلەردەگى مەديتسينالىق ۇيىمدارعا تىركەلگەنى بەلگىلى بولدى. بۇل سايكەسسىزدىكتەردى جويۋ جانە كەزەكتى قىسقارتۋ ار­قىلى 147 ملن تەڭگە ۇنەمدەۋگە قول جەتكىزىلدى.

اتالعان جوبا تەك كەزەكتى قىس­قارتۋمەن عانا ەمەس, نەگىزسىز شىعىنداردى بولدىرماۋمەن دە تيىمدىلىگىن دالەلدەدى, بۇل ۆاۋچەرلىك قارجىلاندىرۋ جۇيەسىن ءارى قاراي ەنگىزۋگە بەرىك نەگىز قالادى.

26 جەلتوقساننان باستاپ ەلور­داداعى بالاباقشالار جاڭا جۇيەگە كوشە باستادى. وسى ماقساتتا ءتۇسىن­دىرۋ ءىس-شارالارى مەن جاڭا جۇيەگە كوشۋگە دايىندىق جۇرگىزىلدى. 2025 جىلى ۆاۋچەرلىك قارجىلاندىرۋ جوباسى ەلىمىزدىڭ باسقا قالالارىندا ەنگىزۋ جوسپارلانۋدا. جوبانى ىسكە اسىرۋدىڭ تابىستى تاجىريبەسىن كەڭەيتۋ ءۇشىن شىمكەنت پەن تاراز قالالارىندا كوشپەلى ءىس-شارالار وتكىزۋ جوسپارلانعان, ولار ءتيىمدى جۇمىستىڭ ۇلگىسىنە اينالدى جانە پيلوتتىق باعدارلاما شەڭبەرىن­دە ايتارلىقتاي ناتيجەلەرگە قول جەتكىزدى.