فوتو: اشىق دەرەككوز
پوليتسيا قىزمەتكەرلەرى ابىلاي حان داڭعىلى, 6/7 ءۇي مەكەن-جايىندا 50 مىڭ تەڭگە تابىس تابۋ جونىندەگى جارناما جازىلعان ناركوگراففيتي جارنامالىق پاراقشالارى بار تۇرعىندى ۇستاعان. ول ۋاقىتشا ۇستاۋ يزولياتورىنا قامالدى.
«كەلەسى جاعدايدا, ورىنبور كوشەسى, 12 ءۇي مەكەن-جايىندا «جاسىرۋشى» رەتىندە جۇمىس ىستەۋگە قاتىستى QR-كودپەن جاپسىرىلعان زاڭسىز جارناما ورنالاستىرۋ فاكتىسى انىقتالدى. جەدەل-ىزدەستىرۋ ءىس-شارالارى بارىسىندا قالا تۇرعىنى ەسىرتكى قۇرالدارىن تاراتۋدى ناسيحاتتايتىن ارنادا جۇمىس ىستەپ, تابىس تابۋ ماقساتىندا «Telegram» مەسسەندجەرى ارقىلى تىركەلىپ, قالا بويىنشا QR-كودتارى بار جاپسىرمالاردى باسىپ شىعارىپ, جاپسىرۋمەن اينالىسقانى انىقتالدى», دەلىنگەن حابارلامادا.
اتالعان فاكتىلەر بويىنشا قك-ءنىڭ 299-1-بابى (الدىن الا ءسوز بايلاسۋ ارقىلى ادامدار توبى جاساعان ەسىرتكى قۇرالدارىن, پسيحوتروپتىق زاتتاردى نەمەسە سول تەكتەستەردى, پرەكۋرسورلاردى ناسيحاتتاۋ نەمەسە زاڭسىز جارنامالاۋ) بويىنشا سوتقا دەيىنگى تەرگەپ-تەكسەرۋ باستالعان.
بۇل باعىتتاعى جۇمىستىر ءالى دە جالعاسىپ جاتىر.
ەستەرىڭىزگە سالا كەتەيىك, ەسىرتكى قۇرالدارىن, پسيحوتروپتىق زاتتاردى نەمەسە سول تەكسەرىستەردى, پرەكۋرسورلاردى ناسيحاتتاۋ نەمەسە زاڭسىز جارنامالاۋ ءۇشىن ءۇش جىلدان التى جىلعا دەيىن باس بوستاندىعىنان ايىرىپ, م ۇلىكتى تاركىلەۋ تۇرىندەگى قىلمىستىق جاۋاپتىلىق كوزدەلگەن.
