جيىنعا اbai University-ءنىڭ باسقارما توراعاسى-رەكتور بولات تىلەپ مودەراتور رەتىندە جۇرگىزىپ وتىردى. ۆەدموستۆا باسشىسى جيىندا 2023-2029 جىلدارعا ارنالعان مينيسترلىكتىڭ ستراتەگيالىق دامۋ جوسپارىن جەتكىزدى. اتقارىلىپ جاتقان جۇمىستارعا توقتالدى.
«جوعارى بىلىمگە قاتىستى ءبىز 8 ۇلكەن باعىتپەن باستادىق جۇمىسىمىزدى. نەگىزگى كۇش ول دەموگرافيا. بيىل 30 مىڭعا, بىلتىرعىمەن سالىستىرعاندا مەكتەپ بىتىرۋشىلەر كوبىرەك تاپسىرادى ۇبت-نى جوعارى وقۋ ورنىنا. قازىردىڭ وزىندە 200 مىڭعا جۋىق ستۋدەنت تىركەلدى قاڭتاردا. سوعان دايىندالىپ جاتىرمىز قازىر. سوندىقتاندا 8 باعىتتىڭ كەمىندە تورتەۋى دەموگرافيالىق تولقىنعا دايىندىق رەتىندە بەرىلگەن. سونىڭ ىشىندە قولجەتىمدىلىك, ينفراقۇرىلىم, تسيفرلاندىرۋ, كەڭىستىگىمىزدى اشۋ ءارى شەتەلدىك ۋنيۆەرسيتەتتەردى جانە شەتەلدىك ينۆەستورلاردى شاقىرۋ», دەدى ساياسات نۇربەك.
مينيستر كەزدەسۋدە 8 باعىتتىڭ ىشىندەگى قولجەتىمدىلىككە ۇلكەن ءمان بەرىلىپ وتىرعاندىعىن باسا ايتتى. اسىرەسە گرانت سانىن كوبەيتۋ جايىنا كوبىرەك كوڭىل ءبولىنىپ وتىرعاندىعىن جەتكىزدى. مىسالى بىلتىرعى جىلى 94 مىڭعا جۋىق گرانت بولىنگەن. ونىڭ 78 باكلاۆرياتقا بولىنگەن. ال كەلەسى جاڭا وقۋ جىلىندا 104 مىڭعا جۋىق گرانت بولىنەتىن بولادى. جىلدان-جىلعا مەملەكەتتىك تاپسىرىس كولەمى ارتىپ كەلەدى.
«دەگەنمەن بۇل ماسەلەنى شەشپەيدى. قوسىمشا 4 تەتىك قۇرالدى ىسكە قوسىپ جاتىرمىز گرانتپەن بىرگە. «كەلەشەك» اتتى بىرىڭعاي ەرىكتى جيناقتاۋشى جۇيەنى كەلەسى جىلدان باستايمىز. اتالعان جۇيە شەڭبەرىندە بالاعا ارنايى شوت اشۋعا بولادى, وعان مەملەكەت 60 اەك مولشەرىندە (5 جاستاعى بالالارعا) ءبىلىم الۋعا باستاپقى كاپيتال سالادى. بۇدان ءارى وعان اتا-انالاردىڭ ەرىكتى جارنالارى, 5-7% مولشەرىندە جىل سايىنعى مەملەكەتتىك سىياقى جانە ينۆەستيتسيالىق تابىس ەسەبىنەن قاراجات جيناقتالادى. "كەلەشەك" ەرىكتى جيناقتاۋ جۇيەسىن ەنگىزۋ ماسەلەسى قازاقستاندىق وتباسىلاردىڭ بارلىعىنا قاتىستى», دەدى مينيستر.
باسقوسۋدا ساياسات نۇربەك عىلىم جانە جوعارى ءبىلىم مينيسترلىگى قازىر قارجى سىيىمدىلىعىن ارتتىرۋعا باسا ءمان بەرىپ وتىرعاندىعىن باياندادى. سونداي-اق عىلىم سالاسىنا بولىنەتىن قارجىنى ۇلعايتۋ, بەدەلدى شەتەلدىك ۋنيۆەرسيتەتتەردىڭ فيليالدارىن اشۋ, وتاندىق ۋنيۆەرسيتەتتەرگە جاساندى ينتەلەكت باعدارلاماسىن ەنگىزۋ جايى دا ايتىلدى.
مينيستر تاعى ءبىر باعىت ەلىمىزدەگى ۋنيۆەرسيتەتتەردە قىتاي تىلىندە وقىتۋ جايى باستى نازاردا ەكەندىگىن تاعى ءبىر اتاپ ءوتتى. قازىرگى تاڭدا قىتاي ۋنيۆەرسيتەتتەرىمەن 241 كەلىسىم جاسالىپ, ءبىلىم بەرۋ جانە عىلىمي زەرتتەۋلەر سالاسىندا كوپتەگەن جوبالار جۇزەگە اسىرىلىپ جاتىر. ماقسات - قىتاي جانە قازاقستان اراسىندا ستۋدەنتتەرمەن الماسۋ باعدارلامالارىن كەڭەيتۋ, قوسىمشا عىلىمي-زەرتتەۋ جوبالارىن ىسكە اسىرۋ, وقىتۋشىلار مەن عىلىمي قىزمەتكەرلەردى الماستىرۋدى ۇيىمداستىرۋ, جاڭا بىرلەسكەن وقۋ باعدارلامالارىن ازىرلەۋ جانە ولاردى ىسكە قوسۋ.
ەستەرىڭىزگە سالا كەتەيىك, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ فيلولوگيا فاكۋلتەتىندە «قىتاي ءتىلى جانە قىتايتانۋ» كافەدراسى اشىلعان بولاتىن. «قىتاي ءتىلى جانە قىتايتانۋ» كافەدراسىن اشۋدىڭ ماقساتى - تىلدىك جانە مادەني قۇزىرەتتىلىكتەردى جەتىلدىرۋ ارقىلى ەكى ەل اراسىنداعى بايلانىستى نىعايتۋ, قوسديپلومدىق ءبىلىم بەرۋ نەگىزىندە وقىتۋ, اكادەميالىق ۇتقىرلىق ماسەلەسىن جولعا قويۋ, قىتاي ۋنيۆەرسيتەتتەرىمەن, عىلىمي-زەرتتەۋ ورتالىقتارىمەن ىنتىماقتاستىق ورناتۋ.
