فوتو: instagram.com/azamat_sarsenbayev/
«ۆەدومستۆونىڭ كولىكتەگى وقيعالار مەن ينتسيدەنتتەردى تەرگەۋ دەپارتامەنتىنىڭ قىزمەتكەرلەرى اۆياتسيالىق وقيعا ورنىندا ءجۇر. تەرگەپ-تەكسەرۋ جۇمىستارى اياسىندا ءتيىستى شارالار قابىلدانىپ جاتىر», دەلىنگەن حابارلامادا.
سونىمەن قاتار قازاقستانعا ازەربايجان رەسپۋبليكاسى ازاماتتىق اۆياتسيا مەملەكەتتىك اگەنتتىگىنىڭ دەلەگاتسياسى, سونداي-اق Azerbaijan Airlines (AZAL) اۆياكومپانياسىنىڭ وكىلدەرى كەلىپ جەتكەنىن ايتا كەتۋ كەرەك.
بارلىق جۇمىستار ازەربايجاننىڭ اۆياتسيالىق بيلىگىمەن بىرلەسە جۇرگىزىلىپ جاتىر.
«سونداي-اق قازاقستانعا Embraer اۋە كەمەسىن ءوندىرۋشى كومپانيا وكىلدەرى جانە CENIPA (اۆياتسيالىق وقيعالاردى تەرگەۋ جانە الدىن الۋ ورتالىعى, برازيليا) ۇشىپ كەلەدى», دەلىنگەن مينيسترلىك حابارلاماسىندا.
ايتا كەتەيىك, اقتاۋ قالاسىنا پرەمەر-ءمينيستردىڭ ورىنباسارى قانات بوزىمباەۆ باستاعان ۇكىمەتتىك كوميسسيا قۇرامىندا قر كولىك ءمينيسترى مارات قاراباەۆ, كولىك ۆيتسە-ءمينيسترى تالعات لاستاەۆ, كولىكتەگى وقيعالار مەن ينتسيدەنتتەردى تەرگەۋ دەپارتامەنتىنىڭ ديرەكتورى نۇرجان مالاەۆ, ازاماتتىق اۆياتسيا كوميتەتىنىڭ توراعاسى سالتانات تومپيەۆا, «قازاەروناۆيگاتسيا» رمك باس ديرەكتورى نۇرجان احمەتوۆ باردى.
