فوتو:
ۇكىمەت تاراپىنان 2024 جىلعى سۋ تاسقىنى سالدارىنان مۇلكى زاقىمدانعان ازاماتتارعا جان-جاقتى كومەك كورسەتىلدى. وڭىرلەردە تۇرعىن ۇيلەر, الەۋمەتتىك نىساندار جانە ينفراقۇرىلىم سالۋ جانە قالپىنا كەلتىرۋ جۇمىستارى جۇرگىزىلدى.
ماسەلەن, 36 455 وتباسىنا جالپى سوماسى 13,3 ملرد تەڭگە 100 اەك مولشەرىندە ءبىر رەتتىك الەۋمەتتىك كومەك كورسەتىلدى. 21 876 وتباسىنا 9,9 ملرد تەڭگە كولەمىندە 150 اەك-كە دەيىنگى وتەماقى تولەنگەن. بيىلعى توتەنشە جاعداي جاريالانعان سۋ باسقان ايماقتاردا اتاۋلى الەۋمەتتىك كومەك تولەۋ جەرگىلىكتى كوميسسيانىڭ وتباسىلاردىڭ ماتەريالدىق جاعدايىن تەكسەرۋسىز اۆتوماتتى تۇردە ءىىى توقسانعا ۇزارتىلدى. مۇنداي شەشىم ناتيجەسىندە 3,6 مىڭ وتباسىنا 655,7 ملن تەڭگە كولەمىندەگى ااك تولەمى تاعايىندالعان.
«سۋ تاسقىنى كەزىندە زارداپ شەككەن وڭىرلەردە كوميسسيالار ازاماتتاردىڭ جالعىز باسپاناسى سانالاتىن 19 359 سۋ باسقان ۇيلەر مەن ساياجاي قۇرىلىستارىن تەكسەردى. ولاردى باسپانامەن قامتاماسىز ەتۋ ماقساتىندا جىلجىمايتىن م ۇلىك نارىعىنان 5 767 تۇرعىن ءۇي ساتىپ الىندى. جوندەۋ جۇمىستارى 9 156 ۇيدە نەمەسە 100% اياقتالدى. بۇل ماقساتتارعا بارلىعى 54,7 ملرد تەڭگە ءبولىندى. سونداي-اق قىسقا مەرزىمدە 64 ملرد تەڭگەگە تۇرعىندار ءۇشىن 2 680 جەكە تۇرعىن ءۇي سالىندى», دەلىنگەن حابارلامادا.
