فوتو:pexels
ەكسپورتتاۋشى سولتۇستىكقازاقستاندىق EMC Agro كومپانياسى بولدى. كاسىپورىن ءۇشىن بۇل شەتەلدىك كاسىپكەرلەرمەن ىنتىماقتاستىقتىڭ العاشقى تاجىريبەسى, ويتكەنى بۇگىنگى كۇنگە دەيىن جشس ءونىمى تەك قازاقستاندا عانا ساتىلىپ كەلگەن.
«گرۋزياعا شوشقا ەتىن ەكسپورتتاۋ جونىندە دە كەلىسسوزدەر جۇرگىزدىك. سونداي كۇندەردىڭ بىرىندە العاشقى 20 توننا ەت تە وسى ەلگە جونەلتىلەدى. مۇنى قازاقستان ءۇشىن ۇلكەن وقيعا دەپ اتاۋعا بولادى, ويتكەنى بۇل نارىق ءبىز ءۇشىن ەندى عانا اشىلىپ جاتىر. ارمەنيا مەن گرۋزيا بىزدەن اي سايىن 400 تونناعا دەيىن ەت ساتىپ الۋعا دايىن ەكەندىكتەرىن ءبىلدىردى. ايتپاقشى, ءبىزدىڭ كومپانيا اي سايىن 700-800 توننا شوشقا ەتىن ەل ىشىندە وتكىزەدى. ياعني, وسى ەكى سالامەن ۇزاق مەرزىمدى پەرسپەكتيۆادا ىنتىماقتاساتىن بولساق, ءونىمنىڭ 50 پايىزى شەتەلگە كەتەدى», دەپ اتاپ ءوتتى كومپانيا.
جالپى, الەمدەگى شوشقا ەتىن ەڭ كوپ تۇتىنۋشى قىتايمەن ىنتىماقتاستىق قاراستىرىلادى. بيىلعى جازدا قىتاي ەت قاۋىمداستىعىنىڭ وكىلدەرى كومپانيانىڭ وندىرىستىك كەشەنىن ارالادى. ءوندىرىستى تەكسەرگەن قاۋىمداستىق جىلىنا 20 مىڭ توننا شوشقا ەتىن يمپورتتاۋعا قىزىعۋشىلىق تانىتتى.
