بۇل كەشەننىڭ قۇرىلىسى «قازاقستان – قىتاي» مۇناي قۇبىرى ونىمدىلىگىن ارتتىرۋ باعدارلاماسىنىڭ «كەڭقياق – اتىراۋ» مۇناي قۇبىرى رەۆەرسى جوباسى اياسىندا جۇزەگە اسىرىلدى.
«امان» مۇناي ايداۋ ستانساسىنداعى III ء(ۇشىنشى) ىسكە قوسۋ كەشەنىندە وندىرىستىك ەمەس وبەكتىلەر دە ورنالاسقان. ولاردىڭ ىشىندە اكىمشىلىك عيمارات, 74 ورىندىق جاتاقحانا, اسحانا جانە سپورت الاڭى بار. بۇل نىساندار ۆاحتالىق ادىسپەن جۇمىس ىستەيتىن جۇمىسشىلارعا قولايلى جاعداي جاساۋ ءۇشىن بەرىلدى.
وعان قوسا «قازترانسويل» اق پاۆلودار مۇناي قۇبىرى باسقارماسىنىڭ «ەكىباستۇز» مۇناي ايداۋ ستانساسىندا زاماناۋي سەرۆيستىك-تۇرمىستىق كەشەننىڭ قۇرىلىسىن اياقتادى. جاڭا كەشەندە اسحانا, ينجەنەرلىك-تەحنيكالىق قىزمەتكەرلەرگە ارنالعان كەڭسە بولمەسى, 35 ورىندىق اكت زالى جانە دەمالىس بولمەسى بار. بارلىق نىسان جيھازدارمەن جانە تەحنيكامەن جابدىقتالعان.
سونىمەن قاتار «قازترانسويل» اق اقتوبە مۇناي قۇبىرى باسقارماسىنىڭ «الىبەكمولا» باس مۇناي ايداۋ ستانساسىندا 64 ورىندىق ءۇش قاباتتى جاتاقحانانىڭ كۇردەلى جوندەۋ جۇمىستارى اياقتالۋدا. عيماراتتى 2024 جىلدىڭ جەلتوقسان ايىنىڭ سوڭىنا دەيىن پايدالانۋعا بەرۋ جوسپارلانعان.
بۇل – باستامالاردىڭ جۇزەگە اسۋى «قازترانسويل» اق ءوز جۇمىسكەرلەرىنە قولايلى جاعداي جاساپ, الەۋمەتتىك ينفراقۇرىلىمدى جاقسارتۋعا باستى نازار اۋداراتىنىنىڭ دالەلى. كومپانيا جۇمىسكەرلەرىنىڭ ءومىر ءسۇرۋ ساپاسىنا ەرەكشە نازار اۋدارا وتىرىپ, كومىرسۋتەگى رەسۋرستاردى سەنىمدى جانە ءتيىمدى تاسىمالداۋدى قامتاماسىز ەتۋ ءۇشىن نىساندارىن جاڭارتۋدى جالعاستىرىپ جاتىر.
