فوتو: اشىق دەرەككوز
اتالعان وزگەرىستەردەگى باستى جاڭالىق - كەلەر جىلدىڭ 1 شىلدەسىنەن باستاپ ەلىمىزدە دەربەس كاسساتسيالىق سوتتار قىزمەت ەتەدى.
قازاقستاندا ەنگىزىلىپ جاتقان كاسساتسيالىق سوتتار – سوت جۇيەسىن جاڭعىرتۋعا ارنالعان جاڭا ساتى. ولاردىڭ نەگىزگى مىندەتى – ادىلدىكتى قامتاماسىز ەتۋ, قاتەلىكتەر مەن زاڭ بۇزۋشىلىقتاردىڭ الدىن الۋ, سونداي-اق اپەللياتسيالىق سوتتاردىڭ شەشىمدەرىن قايتا قاراۋ مۇمكىندىگىن ۇسىنۋ.
كاسساتسيالىق سوتتار - بۇل تومەنگى سوتتاردىڭ زاڭدى كۇشىنە ەنگەن شەشىمدەرىنە شاعىمدار بويىنشا ىستەردى قارايتىن سوت ورگاندارى. ولاردىڭ نەگىزگى مىندەتى - ءبىرىنشى جانە اپەللياتسيالىق ساتىداعى سۋديالار قابىلداعان سوت شەشىمدەرىنىڭ زاڭدىلىعى مەن دۇرىستىعىن تەكسەرۋ.
جاڭا كاسساتسيالىق سوتتاردىڭ سۋديالارى قىزمەتتەگى بىلىكتى سۋديالار اراسىنان ىرىكتەلەدى. كاسساتسيالىق سوتتا جۇمىس ىستەۋگە تاڭدالاتىن سۋديالاردىڭ زاڭگەرلىك ءوتىلى كەمىندە 18 جىل, ال سۋديالىق ءوتىلى كەمىندە 8 جىل بولۋى شارت. توراعالار ءۇشىن كەمىندە سۋديالىق ءوتىلدىڭ كەمىندە 10 جىل بولۋى, ونىڭ ىشىندە وبلىستىق سوتتىڭ سۋدياسى لاۋازىمىنداعى جۇمىس ءوتىلى 5 جىلدان كەم بولماۋى باستى شارت رەتىندە بەكىتىلىپ وتىر.
بۇگىنگى تاڭدا قوعامنىڭ قۇقىقتىق ساۋاتتىلىعىن ارتتىرۋ, سوت جۇيەسىندەگى تىڭ وزگەرىستەر تۋرالى حاباردار ەتۋ ماقساتىندا اسكەري سوتتاردىڭ سۋديالارى مەن سوت قىزمەتكەرلەرى كاسساتسيالىق سوتتاردىڭ قىزمەتىنە قاتىستى اقپاراتتىق, ءتۇسىندىرۋ جۇمىستارىن جۇرگىزىپ جاتىر.
ا. ادەنوۆ,
قر سوت اكىمشىلىگى اسكەري سوتى دەپارتامەنتىنىڭ
ىشكى قاۋىپسىزدىك ءبولىمىنىڭ باس مامانى
