فوتو: elordainfo.kz
قازاقستان ترانزيتتىك حاب رەتىندە ەۋروپانى ازيا, رەسەيدى ورتالىق ازيا ەلدەرىمەن بايلانىستىرىپ, كاسپي ايماعى ارقىلى قارا جانە بالتىق تەڭىزدەرىنە شىعۋىن قامتاماسىز ەتەدى.
قازاقستان وسى ارتىقشىلىقتارعا قاراماستان 32 ميلليون توننا جۇك تاسىمالداسا, ال ۇزىندىعى نەبارى 193 شاقىرىم بولاتىن سۋەتس كانالى ەداۋىر جوعارى تابىس اكەلەتىنىنە توقتالدى.
دەپۋتاتتىڭ ايتۋىنشا, ترانزيت ارقىلى ەكونوميكانى تەجەپ وتىرعان سەبەپتەر:
- ينفراقۇرىلىم, لوگيستيكانىڭ حالىقارالىق ستاندارتتارعا ساي كەلمەۋى;
- تسيفرلاندىرۋ ۇردىستەرىنىڭ باياۋ جۇرگىزىلۋى;
- سىبايلاس جەمقورلىق.
سونداي-اق كورشى ەلدەر اراسىنداعى ترانزيتتىك تەڭسىزدىك تە سالانىڭ كەنجەلەۋىنە اسەر ەتىپ وتىر.
ماسەلەن, قازاقستان وزبەكستان ارقىلى 25-30 ەسە از تاسىمالدايدى. ال كورشى ەل ءبىزدىڭ ەل ارقىلى كوبىرەك تاسىمالدايدى.
«وسى ورايدا زاڭدى ساۋال تۋىندايدى. ءبىز نەگە ترانزيتتىك ترافيكتەگى پاريتەتكە قول جەتكىزە الماي وتىرمىز؟ «باتىس ەۋروپا – باتىس قىتاي» ءدالىزىنىڭ قۇرىلىسىنا قارجى حالىقارالىق ۇيىمداردان تارتىلعانمەن, ونى قايتارۋ مىندەتتەمەسى ءبىزدىڭ ەلدىڭ بيۋدجەتىنە تۇسەدى. وسى تەڭسەزدىكتەردى جويىپ, وتاندىق تاسىمالداۋشىلارعا قولايلى جاعداي جاساۋىمىز كەرەك», دەدى ب.ناجمەدينوۆ.
دەپۋتات اقىلى جولداردىڭ احۋالىن ايتا كەلە تولەم ماسەلەسىنە دە نازار اۋداردى.
«اقىلى جولدارعا سارالانعان تاريف ەنگىزۋ قاجەت. بۇل تۇستا كولىكتەردىڭ ەكولوگيالىق ستاندارتتارى ەسكەرىلۋى ءتيىس. وسى ارقىلى تاسىمالداۋشىلار پاركىن جاڭارتىپ, مەملەكەتكە تۇسەتىن جۇكتەمەنى ازايتۋعا بولادى. جولدارداعى ەكولوگيالىق جاعدايدى دا جاقستارتۋعا بولادى», دەدى دەپۋتات.
