استانا قالاسى پد الماتى اۋدانى پب كريمينالدىق پوليتسيا ءبولىمىنىڭ قىزمەتكەرلەرى كەلىپ تۇسكەن ارىز بويىنشا, ۇرلىقشىنى انىقتادى.
«جاڭادان كوشىپ كەلگەن ايەل كورشىسىمەن تانىسۋ ءۇشىن ونىڭ ۇيىنە بارادى. تانىسىپ, اڭگىمە ايتۋ بارىسىندا كۇدىكتى كىتاپ سورەسىنىڭ جانىندا التىن اشەكەي بۇيىمدار تۇرعانىن كورەدى. جابىرلەنۋشى ەسىك قوڭىراۋىن ەستىپ, كىرەبەرىسكە قاراي كەتكەن كەزدە ۇرلىقشى ارام ويىن ىسكە اسىرادى», دەلىنگەن پد حابارلاماسىندا.
ءتارتىپ ساقشىلارى ءىستىڭ ءمان-جايىنا كوز جەتكىزەدى. 30 جاسار كۇدىكتىنىڭ التىن بۇيىمداردى لومباردقا تاپسىرعانى بەلگىلى بولدى. پوليتسەيلەر ارىزدانۋشىنىڭ ەكى ساقيناسى مەن سىرعاسىن جانە القاسىن قايتارىپ بەردى. شىعىن كولەمى شامامەن ءبىر جارىم ملن تەڭگە.
جابىرلەنۋشى پوليتسيا قىزمەتكەرلەرىنە ءىستى كىدىرتپەي ۇرلىقشىنى تاۋىپ بەرگەندەرى ءۇشىن العىستارىن ءبىلدىردى.
