«مەملەكەت باسشىسىنىڭ جارلىعىمەن نۇرلان سەرىك ۇلى بايبازاروۆ قازاقستان رەسپۋبليكاسى پرەمەر-ءمينيسترىنىڭ ورىنباسارى — ۇلتتىق ەكونوميكا ءمينيسترى لاۋازىمىنان بوساتىلدى», دەلىنگەن حابارلامادا.
نۇرلان سەرىك ۇلى 1975 جىلى 10 قازاندا تۋعان.
1997 جىلى قازاق مەملەكەتتىك باسقارۋ اكادەمياسىن «بانك ءىسىن ۇيىمداستىرۋ» ماماندىعى بويىنشا بىتىرگەن.
مەڭگەرگەن تىلدەرى: قازاق, ورىس, اعىلشىن تىلدەرى.
ماراپاتتارى: «ەرەن ەڭبەگى ءۇشىن» مەدالى.
مانسابى:
23 جىلدىق جۇمىس ءوتىلى بار, ونىڭ 7-ءى «قازاقستاننىڭ دامۋ بانكى» اق-دا باسشىلىق لاۋازىمداردا. 1997-2003 جىلدارى قر قارجى مينيسترلىگىندە جۇمىس ىستەدى.
2004 جىلدان 2011 جىلعا دەيىن جوبالارعا اگەنتتىك قىزمەت كورسەتۋ باسقارماسىنىڭ باستىعى, ينۆەستيتسيالىق جوبالار جونىندەگى باسقارۋشى ديرەكتور, كورپوراتيۆتىك دامۋ دەپارتامەنتىنىڭ ديرەكتورى, «قازاقستاننىڭ دامۋ بانكى» اق كورپوراتيۆتىك حاتشىسى لاۋازىمدارىن اتقاردى.
2013 جىلدان 2016 جىلعا دەيىن قر ۇلتتىق ەكونوميكا مينيسترلىگىنىڭ ەكونوميكا سالالارىن دامىتۋ دەپارتامەنتىن باسقاردى. بۇدان باسقا, ءار جىلدارى «قازاقستان تەمىر جولى» ۇك» اق, «قازمۇنايگاز كونسالتينگ» اق, «قازمۇنايگاز» ۇك» اق جۇمىس ىستەدى.
2016 جىلدان باستاپ 2022 جىلعى قاراشاعا دەيىن «ونەركاسىپتى دامىتۋ قورى» اق ديرەكتورلار كەڭەسىنىڭ مۇشەسى جانە باسقارما توراعاسى بولدى.
2022 جىلدىڭ قاراشا ايىنان 2023 جىلدىڭ قازان ايىنا دەيىن «قازاقستاننىڭ دامۋ بانكى» اق باسقارما توراعاسى بولدى.
«بايتەرەك» ۇلتتىق باسقارۋشى حولدينگى» اق جالعىز اكتسيونەرىنىڭ 2023 جىلعى 05 قازانداعى شەشىمىمەن حولدينگتىڭ باسقارما توراعاسى قىزمەتىنە تاعايىندالدى.
2024 جىلدىڭ 6 اقپاننان باستاپ قازاقستان رەسپۋبليكاسى پرەمەر-ءمينيسترىنىڭ ورىنباسارى — ۇلتتىق ەكونوميكا ءمينيسترى بولىپ تاعايىندالدى.
