فوتو: جانسايا قامبار
زاڭدا جەتىم بالالاردىڭ, اتا-اناسىنىڭ قامقورلىعىنسىز قالعان بالالاردىڭ قۇقىقتارىن قورعاۋ تەتىكتەرىن جەتىلدىرۋگە باعىتتالعان قۇقىقتىق نورمالار قامتىلعان. زاڭمەن رۇقساتتار جانە حابارلامالار تۋرالى زاڭناماعا سايكەس قوسىمشا ءبىلىم بەرۋ ۇيىمدارى ءۇشىن قىزمەتتىڭ باستالعانى نەمەسە توقتاتىلعانى تۋرالى حابارلاما جاساۋ ءتارتىبى, ونلاين-وقىتۋ ءتۇرى جانە تەحنيكالىق جانە كاسىپتىك وقىتۋ ۇيىمدارىنداعى اكادەميالىق ۇتقىرلىق قاعيداتى, سونداي-اق, مەنشىك نىسانىنا قاراماستان مەكتەپتەردە الەۋمەتتىك تۇرعىدان وسال وتباسىلاردان شىققان بالالارعا الەۋمەتتىك كومەك كورسەتۋ تەتىكتەرى بەلگىلەنەدى.
بۇدان باسقا, زاڭ ارقىلى 2027 جىلعى 1 قاڭتاردان باستاپ مەكتەپكە دەيىنگى تاربيە بەرۋ مەن وقىتۋ سالاسىندا قىزمەت كورسەتەتىن ۇيىمداردى ليتسەنزيالاۋ ءتارتىبى ەنگىزىلەدى. زاڭنان كۇتىلەتىن ناتيجەلەر ءبىلىم بەرۋ پروتسەسىنىڭ ساپاسىن ارتتىرۋ جانە بالالاردىڭ قۇقىقتارىن قورعاۋ جۇيەسىن كۇشەيتۋ ەكەنىن اتاپ وتكەن ءجون.
«وسى زاڭ بىرقاتار سالاداعى قۇقىقتىق قاتىناستاردى ودان ءارى جەتىلدىرۋدى كوزدەيدى. اتاپ ايتقاندا, زاڭدا اتا-اناسىنان ايىرىلعان جانە اتا-اناسىنىڭ قامقورلىعىنسىز قالعان بالالاردىڭ, سونداي-اق, ارناۋلى الەۋمەتتىك قىزمەتتەرگە مۇقتاج بالالاردىڭ جەكەلەگەن ساناتتارىنىڭ قۇقىقتارى مەن زاڭدى مۇددەلەرىن قورعاۋعا باعىتتالعان تۇزەتۋلەر توپتاماسى قاراستىرىلعان. زاڭ اياسىندا مەكتەپكە دەيىنگى تاربيە جانە وقىتۋ سالاسىن جەتىلدىرۋگە ارنالعان جاڭا نورمالار دا بار. ماقۇلدانعان زاڭ بالالار ۇيىندەگى بۇلدىرشىندەر سانىن ازايتۋعا, مەكتەپكە دەيىنگى ءبىلىم سالاسىن جەتىلدىرۋگە جانە ەڭبەك ادامدارىن دارىپتەۋگە مۇمكىندىك بەرەدى دەپ سەنەمىز», دەدى پالاتا توراعاسى.
