فوتو: ۇكىمەت
پرەمەر ءمينيستردىڭ وڭىرگە ساپارى اياسىندا وبلىستىڭ الەۋمەتتىك-ەكونوميكالىق دامۋ پەرسپەكتيۆالارى, كادرلىق الەۋەتتى ارتتىرۋ, ينفراقۇرىلىمدىق مىندەتتەردى شەشۋ بارىسى تالقىلاندى.
سونداي-اق بىرىڭعاي ۋاقىت بەلدەۋىنە كوشۋ ماسەلەسىنە دە نازار اۋدارىلدى. قوستاناي وبلىسىنىڭ تۇرعىندارى بۇرىن دا كوتەرگەن, ويتكەنى 6-شى ۋاقىت بەلدەۋى تابيعي ۋاقىتقا سايكەس كەلمەگەن. تۇرعىنداردىڭ ايتۋىنشا, بىرىڭعاي ۋاقىت بەلدەۋىنە كوشۋ تۋرالى شەشىم كۇندەلىكتى تۇرمىستىق پروتسەستەردى جەڭىلدەتتى. وسىعان بايلانىستى كەزدەسۋگە قاتىسۋشىلار بىرىڭعاي ۋاقىت بەلدەۋىن قولدايتىنىن ايتتى.
پرەمەر-مينيستر ولجاس بەكتەنوۆ تۇرعىندارمەن اڭگىمەلەسۋ بارىسىندا تابيعي ۋاقىتتىڭ ازاماتتاردىڭ دەنساۋلىعى مەن ءال-اۋقاتىنا وڭ اسەرى عىلىمي دالەلدەنگەنىنە نازار اۋداردى. 2017 جىلى امەريكالىق عالىمدار توبى ادامنىڭ تسيركادتىق ىرعاعىن زەرتتەگەنى ءۇشىن نوبەل سىيلىعىمەن ماراپاتتالدى, بۇل تابيعي ۋاقىتقا سايكەس ءومىر ءسۇرۋدىڭ ەڭ پايدالى ەكەنىن راستادى. وسى جۇمىستىڭ جانە باسقا دا عىلىمي زەرتتەۋلەردىڭ نەگىزىندە 2022 جىلى 80-نەن استام ەلدىڭ عالىمدارى مەن مەملەكەت قايراتكەرلەرى قول قويعان بارسەلونا دەكلاراتسياسى قابىلدانعان.
«شەشىم قازاقستاندا عانا ەمەس, شەتەلدە دە جۇرگىزىلگەن وتە تەرەڭ عىلىمي زەرتتەۋلەر نەگىزىندە قابىلداندى.
قازاقستان ءۇشىن تابيعي ۋاقىت بەلدەۋى – ءبىز قازىر ءومىر ءسۇرىپ جاتقان UتC+5 بولىپ تابىلادى. بۇرىن وزدەرىڭىز بىلەتىندەي, ءبىز باسقا UتC+6 بەلدەۋىندە بولدىق. كەزىندە ەلىمىز ديرەكتيۆالىق تارتىپتە ءبىز ءۇشىن تابيعي ەمەس بەلدەۋگە اۋىستىرىلدى. قازىر, كەرىسىنشە, ءبىز ۋاقىتتى كۇن تسيكلىنە سايكەس كەلتىردىك.
مەن بىرىڭعاي ۋاقىت بەلدەۋىنە اۋىسۋ كەيبىر ادامدارعا ىڭعايسىزدىق تۋدىرۋى مۇمكىن ەكەنىن تۇسىنەمىن. اعزا بىرتىندەپ ۇيرەنەدى. وسىنداي شەشىم قابىلداندى. ەگەر وڭىرلەردە قانداي دا ءبىر قولايسىزدىقتار بولسا, ءبىزدىڭ ەڭبەك زاڭنامامىز مۇمكىندىك بەرەتىن ينفراقۇرىلىمدى, جارىقتاندىرۋدى, ىڭعايلى كەستەنى ۇيىمداستىرۋ ارقىلى جۇمىس ىستەۋ قاجەت. وسى ماسەلەلەردىڭ بارلىعىن ءارى قاراي شەشەتىن بولامىز», دەدى پرەمەر-مينيستر.
سونداي-اق, زاۋىت ۇجىمىمەن كەزدەسۋ بارىسىندا مەملەكەت باسشىسى جاريالاعان الداعى جۇمىسشى ماماندىقتارى جىلى قارساڭىندا ەڭبەك جاعدايلارى جانە وزگە دە قولداۋ شارالارى تۋرالى ماسەلە كوتەرىلدى.
