كورمە تورىندە – كونە ءداۋىر

قازىرگى قازاقستان التىن وردا-نىڭ, ياعني جوشى ۇلى­­سىنىڭ مۇراگەرى ەكەنى جونىندە ەل پرەزيدەنتى قاسىم-جومارت توقاەۆ ۇنەمى ايتىپ كەلەدى. مەم­لەكەت باسشىسى اتى­راۋ قا­لاسىندا وتكەن ۇلت­تىق قۇرىلتايدا جوشى ۇلى­سىنىڭ نە­گىزى قالانعا­نىنا 800 جىل تول­عانىنا, ونىڭ زور رامىزدىك ءمانى ءارى قازاقستاننىڭ مەم­لە­كەت­تىلىك داستۇرىندە ايرىق­شا ورنى بار ەكەنىنە اي­رىقشا توقتالعان بولاتىن. سوندىقتان دا, ەسكى مەن جا­ڭانىڭ, كەشە مەن بۇگىننىڭ بايلانىسىن بۇگىنگى ۇرپاق ءبىلۋى كەرەك.

« ۇلىتاۋ» ۇلتتىق تا­­ريحي-مادەني جانە تا­بيعي مۋزەي-قورىعىنىڭ اۋماعىندا التىن وردا دا­ۋىرىنە جاتاتىن 10-نان اسا تاريحي ەسكەرتكىش ساقتالعان. ولاردىڭ قاتارىندا جو­شى حان, بولعان انا, قۇ­لان انا, اياققامىر (قۇت­لىق تەمىر), تالماس اتا, كەلىنتام كەسەنەلەرى, ەدىگە مازارى, التىنشوقى تو­بەسى, ت.ب. بار. وسى تاريحي ورىنداردان جيناقتالعان جا­دىگەرلەردىڭ ءبىرشاماسىن كورمەگە قويدىق», دەيدى « ۇلىتاۋ» ۇلتتىق تاريحي-مادەني جانە تابيعي مۋزەي-قورىعىنىڭ ديرەكتورى الىبەك كۇزەرباەۆ.

كورمەگە كەلۋشىلەر جوشى حان كەسەنەسىنىڭ قۇب­باسىن, سارايشىق قالا­سىنان تابىلعان ىدىس-اياقتاردى, ورتاعاسىرلىق بىرەگەي مونەتالاردى, تاريحي كىتاپتاردى, ت.ب. كورە الادى.

ءار جادىگەر – ءبىر تاريح. ايتالىق, قۇببا دەگەن نە؟ مۇنى ەكىنىڭ ءبىرى بىلە بەرمەيتىنى انىق. قۇببا دەپ يسلام ساۋلەتىندە كۇمبەز نەمەسە توبەسى كۇمبەزدى بولىپ كەلەتىن قۇرىلىستى اتاعان ەكەن. جوشى حان قۇبباسى 1973 جىلى تابىل­عان. كەزىندە كەسەنەنىڭ ەڭ بيىگىنە ورناتىلعانعا ۇقسايدى, بىراق كەيىن قۇلاپ, سىنىقتارى جەرگە تۇسكەن. ەكسپەديتسيا مۇشەلەرى سول سىنىقتاردى قۇراستىرىپ قالپىنا كەلتىرگەن. سول قۇب­با كورمەگە كەلۋشىلەردىڭ قىزىعا قارايتىن جادىگەر­لەرىنىڭ بىرىنە اينالىپ تۇر.

ۇلىتاۋ وبلىسى