فوتو: اشىق دەرەككوز
نۇرلان بايبازاروۆ بۇل ناتيجەگە 5,1%-عا ءوسىم كورسەتكەن مۇنايدان تىس سەكتوردىڭ نەگىزگى ۇلەس قوسقانىن اتاپ ءوتتى.
«بىرقاتار نەگىزگى سالالاردا وڭ ديناميكا اتاپ ءوتىلدى. ماسەلەن, ەكونوميكانىڭ ناقتى سەكتورىنداعى ءوسىم 5%-دى قۇرادى, ال قىزمەت كورسەتۋ سالاسىنداعى ءوندىرىس 4,5%-عا, اۋىل شارۋاشىلىعىندا – 13,4%-عا ءوستى, ال قۇرىلىستا كورسەتكىشتەر 10,3%-عا ارتتى. سونىمەن قاتار ەكونوميكانىڭ باسقا سەكتورلارىندا كورسەتكىشتەردىڭ تۇراقتى ءوسۋى بايقالادى: ساۋدا 8,2%-عا, كولىك قىزمەتتەرى – 8,1%-عا, وڭدەۋ ونەركاسىبى – 5,3%-عا ۇلعايعان. جالپى العاندا, ءجىو ءوسىمىنىڭ 70%-دان استامى ساۋدا, وڭدەۋ ونەركاسىبى, اۋىل شارۋاشىلىعى جانە قۇرىلىس سالاسىمەن قامتاماسىز ەتىلدى», دەلىنگەن حابارلامادا.
سونداي-اق نۇرلان بايبازاروۆ نەگىزگى كاپيتالعا سالىنعان ينۆەستيتسيالاردىڭ 3,1%-عا وسكەنىن اتاپ ءوتتى, بۇل رەتتە ەڭ ۇلكەن ينۆەستيتسيا شيكىزاتتىق ەمەس سالالاردا تىركەلگەن. اتاپ ايتقاندا, ءبىلىم بەرۋدە ينۆەستيتسيالار كولەمى 2,2 ەسەگە, عىلىمي جانە تەحنيكالىق قىزمەتتە – 42,1%-عا, كولىك سالاسىندا – 27,2%-عا, ال وڭدەۋ ونەركاسىبىندە – 18%-عا وسكەن.
«بيىلعى قاڭتار-قازان ايلارىندا سىرتقى ساۋدا اينالىمى $116,9 ملرد-تى قۇرادى. ەكسپورت $68,5 ملرد-قا جەتتى, ونىڭ ىشىندە وڭدەلگەن تاۋارلار ەكسپورتى – $23,3 ملرد. تاۋارلار يمپورتى $48,4 ملرد-تى قۇرادى. ساۋدادا وڭ بالانس 33,4%-عا دەيىن ارتىپ, $20,1 ملرد-قا جەتتى», دەدى ۆيتسە-پرەمەر.
