فوتو: Qazsport
قازاقستان بوكسشىسىنىڭ قارسىلاسى تاجىكستان وكىلى پارۆيز كاريموۆ بولدى. ءبىرىنشى راۋندتا توعامباي قارسىلاسىن نوكداۋنعا ءتۇسىرىپ, تورەشىلەردىڭ ۇپاي سانى بويىنشا سەنىمدى باسىمدىققا يە بولدى.
ەكىنشى راۋند تاعى دا قازاقستاندىقتىڭ باسىمدىعىمەن ءوتىپ, تاعى ەكى نوكداۋننان كەيىن تورەشى جەكپە-جەكتى توقتاتىپ, ساعىندىق توعامبايعا مەرزىمىنەن بۇرىن جەڭىس سىيلادى.
ساعىندىق توعامباي ازيا چەمپيوناتىنىڭ 1/4 فينالىندا وزبەكستاندىق ماديار سايدراحيموۆتى تورەشىنىڭ شەشىمىمەن جەڭسە, فينالعا شىعۋ ءۇشىن بەلدەسۋدە قىتايلىق تايمياو ءليۋدى مەرزىمىنەن بۇرىن جەڭدى.
بۇعان دەيىن بوكستان قازاقستان ەرلەر قۇراماسىنىڭ ازيا چەمپيوناتىنداعى التىنشى التىنىن 54 كەلى سالماقتا ماحمۇد سابىرحان جەڭىپ العان بولاتىن. قازاقستان قۇراماسى ءۇشىن جەتىنشى جوعارى جۇلدەنى بەكزاد نۇرداۋلەتوۆ 86 كەلى سالماقتا وزبەكستاندىق جاسۋربەك يۋلدوشەۆپەن جەكپە-جەگىندە جەڭىپ الدى.
48 كەلىگە دەيىنگى سالماقتا ونەر كورسەتكەن سانجار تاشكەنباي ازيا چەمپيوناتىنىڭ كۇمىس جۇلدەگەرى اتانسا, ورازبەك اسىقۇلوۆ چەمپيوندىق بەلبەۋ ءۇشىن بەلدەسۋدە وزبەكستاندىق ميرازيزبەك ميرزاحاليلوۆتان جەڭىلىپ قالدى.
قازاقستاندىق دۋلات بەكباۋوۆ وزبەكستاندىق مۋجيبيللو تۇرسىنوۆتان ۇتىلىپ, كۇمىس جۇلدەگەر اتاندى. ابىلايحان ءجۇسىپوۆ قازاقستان قۇراماسىنىڭ قورجىنىنا تاعى ءبىر كۇمىس قوسسا, دياس مولجىگىتوۆ فينالدا وزبەكستاندىق قارسىلاسىن جەڭە الماي, بەسىنشى كۇمىستى جەڭىپ الدى.
ال بوكستان قازاقستان ايەلدەر قۇراماسى ازيا چەمپيوناتىندا بەس التىن, بەس قولا مەدال جەڭىپ الدى.
