سۋرەت: actuia.com
زەرتتەۋشىلەر جان باسىنا شاققانداعى ءىجو, ۇلتتىق جيناق دەڭگەيى, ادام دامۋىنىڭ يندەكسى (HDI), دجيني كوەففيتسيەنتى (قوعامدىق تەڭسىزدىك كورسەتكىشى), كەدەيلىك دەڭگەيى سياقتى نەگىزگى ينديكاتورلارعا ءمان بەردى. رەيتينگ ناتيجەسى كەيىنگى جىلدارى ەكونوميكامىزدىڭ ىلگەرى باسقانىن كورسەتەدى. مۇنى نەگىزگى ەكونوميكالىق كورسەتكىشتەردىڭ ارتۋى دا راستايدى.
«HelloSafe» زەرتتەۋى ۇزدىكتەر قاتارىندا ەۋروپا ەلدەرى باسىم ەكەنىن كورسەتتى. ولاردىڭ اراسىندا ليۋكسەمبۋرگ (86,2), ودان كەيىن نورۆەگيا (85,1), يرلانديا (84,7) كوش باستاپ تۇر. ەۋروپالىق ەمەس ەلدەر اراسىنان قاتار مەن سينگاپۋر عانا العاشقى بەستىكتەن ورىن العان. بۇل – ولاردىڭ سەرپىندى ەكونوميكاسى مەن دامىعان ينفراقۇرىلىمىنىڭ كورىنىسى.
وعان قوسا جۋىردا «S&P» اگەنتتىگى ەلىمىزدىڭ وڭدەۋشى سالالارىنىڭ قاراشا ايىنداعى يندەكسىن دە جاساعان ەدى. ونداعى جاعداي قازانعا قاراعاندا, قاراشادا جاقسارا تۇسكەن. ءوندىرىس, جۇمىسپەن قامتۋ, ساتىلىم ۇلعايعان. وندىرىسكە قاجەت رەسۋرس قۇنى قارقىن الىپ, قاراشادا جاڭا تاپسىرىستار رەكورد جاسادى. بۇل تۋرالى «Freedom Holding Corp.» ەلدەگى وڭدەۋشى سالالار «PMI®» وندىرىستىك كورسەتكىشتەر تۋرالى ەسەبىندە ايتتى. بۇل ۇدەرىس ءوندىرىس كولەمى مەن ساتىپ الۋ بەلسەندىلىگىنىڭ ارتۋىنا, جۇمىس ورنىن اشۋدى توقتاتپاۋعا سەپتەسكەن. تەڭگە باعامى السىرەگەننەن قازان ايىنان بەرى ينفلياتسيالىق قىسىم كۇشەيگەنى بەلگىلى. ساتىپ الۋ مەنەدجەرلەرىنىڭ يندەكسى كورسەتكىشى قازان ايىندا 51.7-دەن 53.5-كە دەيىن ءوستى. دەمەك وڭدەۋ ونەركاسىبىندەگى احۋال اناعۇرلىم جاقسارعان. وعان قوسا بيزنەس جۇرگىزۋ شارتتارى تامىز ايىندا تىركەلگەن جوعارى ناتيجەدەن اسىپ, ايتارلىقتاي كۇشەيدى.
