عالىمداردىڭ ايتۋىنشا, سيمپتومدار پايدا بولماي تۇرىپ, 1-2 كۇن بۇرىن اعزادا وزگەرىس باستالادى. الگوريتم وسى اۋىتقۋلاردى بايقاپ, پايدالانۋشىعا دەمالىپ, ەرتەرەك ەمدەلۋگە نەمەسە دارىگەرگە قارالۋعا مۇمكىندىك بەرەدى. بۇل فۋنكتسيا قازىر «Oura Labs» باعدارلاماسىنىڭ بەتا-نۇسقاسىندا تەكسەرىلىپ جاتىر.
باقىلاۋشى روبوت-يت
«VisionLabs» پەن «جاڭا ونىمدەر زەرتحاناسى» ينتەللەكتۋالدى ۆيدەو ساراپشىسى بار روبوت-يت جاساپ شىعاردى. تەحنولوگيا قۇرىلىس الاڭدارىنداعى قاۋىپسىزدىكتى ارتتىرىپ, جازاتايىم وقيعالار سانىن ازايتادى.
روبوت «VisionLabs LUNA» جۇيەسى ارقىلى قاۋىپسىزدىك ەرەجەلەرى بۇزىلعانىن انىقتاي الادى. سونداي-اق قۇرىلىس الاڭىنداعى ادامداردىڭ كاسكا مەن كەۋدەشە كيگەن-كيمەگەنىن تەكسەرەدى. بوگدە ادامدار بار-جوعىن باقىلايدى. روبوت-يت ليدار, سپۋتنيكتىك پوزيتسيالاۋ جۇيەسى, سۋ مەن شاڭنان قورعاۋ قۇرالدارىمەن جابدىقتالعان. ول باعدار بويىنشا وزدىگىنەن نەمەسە وپەراتوردىڭ باسقارۋىمەن قوزعالادى. بارلىق سىناقتان ءساتتى وتكەن روبوت-ءيتتى قويمالاردا, ونەركاسىپ ورىندارىندا, مەديتسينالىق كلاستەرلەردە پايدالانۋعا بولادى.
التسگەيمەردى ەمدەيتىن ءدارى
«Filamon Limited» كومپانياسى جاڭا «ALPHA-003» پرەپاراتىن شىعاردى.
بۇل ءدارى قابىنۋعا قارسى اسەر كورسەتىپ, مي جاسۋشالارىنىڭ قۇرىلىمدارىن ساقتاي وتىرىپ, جازىلۋى قيىن اۋرۋلاردىڭ اسقىنۋىن توقتاتا الادى. پرەپارات ميكروتۇتىكشەلەردى قورعاۋعا باعىتتالعان ءارى ميدىڭ گەماتوەنتسەفالدىق توسقاۋىلىنان ءوتىپ, قابىنۋدى باسادى. عالىمدار كلينيكالىق زەرتتەۋلەردى 2026 جىلى باستاماق. عالىمدار بۇعان دەيىن التسگەيمەر اۋرۋى ەستە ساقتاۋ قابىلەتىنىڭ ناشارلاۋىنا اكەلەتىنىن انىقتاعان.
