سپورت سالاسىنداعى ەڭ تانىمال كۇرەستىڭ ءۇش تۇرىنەن ۇلكەن دارەجەگە كوتەرىلىپ, ابىرويى اسقاقتاعان قۋانىش سالىقباەۆ 1971 جىلى 8 شىلدەدە, بۇرىنعى سەمەي وبلىسى ماقانشى اۋدانى قىزىلبۇلاق اۋىلىندا دۇنيەگە كەلگەن. كۇرەسكە دەگەن قۇلشىنىسى ەرتە ويانعان ول 1983 جىلى «قايرات» قوعامىنىڭ سپورتزالىنا بارىپ, تولەۋبەك شاكەنوۆ, اسقار تەمىرجانوۆ سىندى باپكەرلەردەن سامبو جانە قازاق كۇرەسىنىڭ ءادىس-تاسىلدەرىنە قانىعا باستايدى. 1987 جىلى جاسىنداي جارق ەتىپ سامبودان وتكەن سەمەي وبلىسىنىڭ بىرىنشىلىگىندە II ورىن, 1989 جىلى ناۋرىزدا وبلىستىق كەڭەستىڭ بىرىنشىلىگىندە I ورىندى يلەنءدى. وسىلايشا سول كەزدەگى سەمەي وڭىرىنە تانىمال باپكەرلەر, قازاقستاننىڭ ەڭبەك سىڭىرگەن جاتتىقتىرۋشىلارى سەرىك توقتارعازين مەن سەرىك قورجىكەنوۆتىڭ نازارىنا ىلىگءىپ, سپورت جولىندا كوپتەگەن بيىكتەردى باعىندىردى.
ول سامبودان ءتورت دۇركىن قازاقستان كۋبوگىنىڭ يەگەرى, بەس دۇركىن قازاقستاننىڭ چەمپيونى. IX ازيا چەمپيوناتىنىڭ كۇمىس جۇلدەگەرى بولىپ, ازيا جانە ءالەم چەمپيونى اتاندى. قازاق كۇرەسىنەن وتىزعا تارتا رەسپۋبليكالىق جانە حالىقارالىق تۋرنيرلەردىڭ ابسوليۋتتىك چەمپيونى, قازاقستاننىڭ بەس دۇركىن ابسوليۋتتىك چەمپيونى, قازاقستان كۋبوگىنىڭ ءتورت مارتە يەگەرى جانە ازيانىڭ ءۇش مارتە ابسوليۋتتىك چەمپيونى بولدى.
ال دزيۋدو كۇرەسىنەن بىرنەشە مارتە رەسپۋبليكالىق, حالىقارالىق تۋرنيرلەردىڭ جۇلدەگەرى, قازاقستان بىرىنشىلىگىنىڭ كۇمىس جۇلدەگەرى رەتىندە تۇعىر بيىگىنە شىقتى. قاجىرلى ەڭبەگىنىڭ ناتيجەسىندە كۇرەستىڭ ءۇش ءتۇرىن ەركىن مەڭگەرىپ, سپورت شەبەرى جانە سامبو مەن قازاق كۇرەسىنەن حالىقارالىق دارەجەدەگى سپورت شەبەرى بولىپ, ءوڭىر سپورتىنىڭ ورىستەۋىنە عانا ەمەس, قازاق كۇرەسىنىڭ كوكجيەگىن كەڭەيتۋگە بارىن سالدى.
ادام بالاسى قاي سالادا بولماسىن ءوزىنىڭ ارتىنان شاكىرت ەرتۋى پارىز. بۇل تۇرعىدان العاندا قۋانىش جۇمابەك ۇلى باپكەرلىك جولدى باستاعان 2016 جىلدان سوڭعى دەمى ۇزىلگەن 2019 جىلعا دەيىنگى ارالىقتا شىعىس قازاقستان وبلىسىنداعى بويىندا وتى بار قانشاما جاستىڭ جالىنداپ جانۋىنا, سەمەيدەگى سپورتقا بەيىم بالالار مەن جاسوسپىرىمدەر ءوز بىلەتىن سپورت تۇرىنە تەرەڭ باۋلىدى. سپورتشىنىڭ ءتالىم-تاربيەءسىن كورگەن, كوپتەگەن بايراقتى باسەكەلەردىڭ جۇلدەگەرلەرى مەلسوۆ نۇرجان, نۇراحمەتوۆ ەراسىل سياقتى شاكىرتتەرىن اتاۋعا بولادى.
اتالعان تۋرنيرگە استانا, الماتى, شىمكەنت, جامبىل, تۇركىستان سياقتى قالالاردان 2007-2008 جىلدارى تۋعان جاسوسپىرىمدەر قاتىستى. جالپى جيىنى 164 سوپرتشى, 18 كوماندا باق سىناپ, سىنعا ءتۇستى. بۇل تۋرنير اباي وبلىستىق مامانداندىرىلعان بالالار جاسوسپىرىمدەر وليمپيادالىق رەزەرۆتىك سپورت مەكتەبىنىڭباستاماسىنا وراي اباي وبلىسىنىڭ دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن ءوتىپ وتىر. ءتۋرنيردىڭ اشىلۋ سالتاناتىندا ءسوز العان سپورتشىنىڭ اياۋلى جارى گاۋھار سلامبەكقىزى ەر ەسىمىن ەل ەسىندە ساقتاپ, رەسپۋبليكا كولەمىندە جوعارى دارەجەدە جارىس ۇيىمداستىرىپ وتىرعان ۇيىمداستىرۋ كوميتەتىنە زور العىسىن ءبىلدىردى.
«قۋانىش سالىقباەۆتىڭ سپورتتاعى جولىن ۇلگى ەتىپ وتىرعان ونىڭ سپورتتاعى باپكەرلەرىنە, دوستارى مەن شاكىرتتەرىنە, ءىزىن باسقان باۋىرلارىن العىسىم شەكسىز. قاي كەزدە دە بىزگە قولداۋ ءبىلدىرىپ وتىراتىن جاندارعا ريزاشىلىعىمىز زور. وسى جارىستىڭ وتۋىنە دەمەۋشىلىك كورسەتكەن سەرىك توقتارعازين, سەرىك قورجىكەنوۆ, قايرات چارمۇحامەدوۆ, شالقار جولامانوۆ, ايبەك نۇعىماروۆ, دۋمان قىزداربەكوۆ, قايرات كۋنسافين, اسحات وسپانوۆ, امان ءشارىپوۆ سياقتى ازاماتتارعا, دوستارى قۋات پەن بەكجانعا العىستان باسقا ايتارىمىز جوق. وسى تۋرنير كەلەشەكتە ەلىمىزدىڭ اتىن ايداي الەمگە تانىتان سپورتشىلاردىڭ ءوسىپ-شىعۋىنا جول اشارى انىق», دەيدى سپورتشىنىڭ جارى گاۋھار سالىقباەۆا.
ەكى كۇنگە سوزىلعان تۋرنير قورىتىندىسىنا سايكەس 70 كەلى سالماق دارەجەسىندە ءى ورىندى داستان قازىحانوۆ, ءىى ورىندى بەكارىس سايلاۋ, ءىىى ورىندى تەمىرلان ماقساتوۆ, ەرنۇر قابدراحمان يەلەنسە, ال 76 كەلىدە ءى ورىن الماس رىسبەكوۆكە, ءىى ورىن دوسجان راحىمباەۆقا, ءىىى ورىن نۇردوس قايراتوۆقا جانە يسلام مەدەتقاليعا بۇيىردى. جارىستاعى جانكۇيەرلەر مەن قولداۋشىلاردىڭ رۋحىن اسپانداتقان, جارىستىڭ كورىگىن قىزدىرۋشى باسەكەلەردىڭ ءبىرى جوعارى سالماقتاعى بەلدەسۋلەر دە كورەرمەن كوزايىمىنا اينالدى. 82 كەلى سالماق دارەجەسىندە سۇلتان-بەيبارىس قايرات ۇلى ءى ورىن, ايۆار بەيسەنبەك ءىى ورىن يەلەنسە, قۋاتبەك قاجىبەك پەن ارنۇر امانوۆ ءىىى ورىندى ءوزارا ءبولىستى. 82 كەلىدەن جوعارى سالماقتا سايىسقا تۇسكەن نۇربولات جامبىل ءى ورىن, ساعيات سەرىكقالي ءىى ورىن, احمەت قاپەن مەن نۇرلانبەك تالعات ۇلى ءىىى ورىن يەلەنىپ جەڭىس تۇعىرىنا شىقتى.
كەيىنگى جىلدارى اباي وبلىسىندا رەسپۋبليكالىق تۋرنيرلەردى وتكىزۋ جيىلەگەنى ايتىلادى. بۇل جەرگىلىكتى جاستاردىڭ ىشىنەن شىن مىقتىنى انىقتاۋعا ۇلكەن مۇمكىندىك بەرەتىنى انىق. سونداي تۋرنيرلەردىڭ ءبىرى قۋانىش سالىقباەۆ اتىنداعى سپورت باسەكەسىنىڭ اياسىن كەڭەيتۋ ماقساتى بار دەيدى ۇيىمداستىرۋشىلار.
