فوتو: ۆيدەودان الىنعان كادر
بەلگىلى بولعانداي, وسىدان ەكى جىل بۇرىن 34 جاستاعى ەر ادام تاجىكستاندا تويدا جۇرگەندە قوناقتاردىڭ بىرىمەن جانجالداسىپ, ونى جاراقاتتاپ, مەرت قىلعان.
ەر ادامنىڭ پروباتسيالىق باقىلاۋدا بولعانى, بىراق 2023 جىلى ەلدەن كەتكەنى انىقتالعان. وسى جىلدىڭ قاراشا ايىندا وعان حالىقارالىق ىزدەۋ جاريالانعان بولاتىن. وسىدان كەيىن پوليتسەيلەر ونى قازاقستان استاناسىنداعى ساۋدا ورتالىقتارىنىڭ بىرىنەن تاۋىپ, ۇستاعان.
«قازىرگى ۋاقىتتا ۇستالعان ادام ۋاقىتشا ۇستاۋ يزولياتورىنا قامالدى, وندا ەكستراديتسيالاۋ تۋرالى شەشىم قابىلدانعانعا دەيىن بولادى. كەيىننەن ول تاجىكستاننىڭ قىلمىستىق ىزدەستىرۋ ورگاندارىنا بەرىلەتىن بولادى», دەپ حابارلادى استانا قالاسى پوليتسيا دەپارتامەنتىنىڭ ءباسپاسوز قىزمەتى.
