«Brain rot» ءسوز تىركەسى ينتەرنەتتە ساپاسىز مازمۇندى شامادان تىس تۇتىنۋدىڭ ادام اقىل-ويىنا تيگىزەتىن تەرىس اسەرىن سيپاتتايدى. بۇل ءسوز العاش رەت 1854 جىلى امەريكالىق جازۋشى گەنري دەۆيد تورونىڭ «Walden» اتتى ەڭبەگىندە كەزدەسكەن. اۆتور سول كەزدىڭ وزىندە قوعامنىڭ كۇردەلى يدەيالارىن ەلەمەي, تەك ويىن-كۇلكىگە بەت بۇرۋىن سىنعا العان ەدى.
ماسەلەن اقش-تىڭ وگايو شتاتىنداعى 13 جاستاعى دجەيكوب ستيۆەنس TikTok چەللەندجىن قايتالايمىن دەپ قايتىس بولعان ەدى. بۇل تۋرالى «ABC6» باسىلىمى حابارلاعان. ءجاسوسپىرىم 14 دانا رەتسەپتسىز ءدارى ءىشىپ, گالليۋتسيناتسياعا ۇشىراعان. كوپ ۇزاماي ءوزىن ناشار سەزىنىپ, اۋرۋحاناعا تۇسكەن.
دارىگەرلەر مەحانيكالىق جەلدەتۋ اپپاراتىنا قوسىپ, قولدان كەلگەن امالدىڭ ءبارىن جاساعان. بىراق ءجاسوسپىرىم التى كۇننەن كەيىن ءجانتاسىلىم ەتكەن.
وكىنىشكە قاراي وسىنداي ادام شوشىرلىق وقيعالار جيىلەپ كەتتى. ادامدار ءتىپتى قىسقا بەينەروليكتەردى ساعاتتاپ قاراپ, ۋاقىتتى سەزبەي, نەگىزگى مىندەتتەرىن ورىنداۋعا قابىلەتسىز بولىپ قالىپ جاتىر. كۇندەلىكتى سوزدىك قورىندا تەك جەلىدەگى «مەمدەردەن» الىنعان سلەنگتەردى پايدالانادى. بۇل ءتىلدى ءتۇسىنۋ مەن ءتيىمدى قارىم-قاتىناس جاساۋ قابىلەتتەرىن تومەندەتەدى.
جوعارىدا جازىلعاندار عاسىر دەرتىنىڭ ءبىر ۇشى عانا. وسى ماسەلەلەرگە نازار اۋدارتۋ ماقساتىندا وكسفورد ۋنيۆەرسيتەتى جاعىمسىز جىل ءسوزىن تاڭدادى.
