فوتو: PAP/Rafał Guz
ديدە رەيندەرس 2007 جىلدان 2011 جىلعا دەيىن مينيستر رەتىندە باسقارعان ۇلتتىق لوتەرەيا ۇيىمى ارقىلى بىرنەشە جىل بويى لوتەرەيا بيلەتتەرىن ساتىپ العان. ول لوتەرەياعا قاتىسىپ, الىنعان, مۇمكىن «جىلىستاتىلعان» اقشانى ءوزىنىڭ جەكە شوتىنا سالعان.
تىنتۋگە الىنعان م ۇلىكتىڭ ءبىرى رەيندەرستىڭ جەكە مەنشىگى بولعان. جاڭا تەرگەۋ بىرنەشە ايدان بەرى جۇرگىزىلىپ جاتىر. تەرگەۋشىلەر رەيندەرستىڭ ەۋروپالىق كوميسسياداعى وكىلەتتىك مەرزىمىنىڭ اياقتالۋىن جانە ءتىنتۋ مەن جاۋاپ الۋ ءۇشىن يممۋنيتەتتىڭ جويىلۋىن كۇتكەن.
ايتا كەتەيىك, ديدە رەيندەرس 2019 جىلدان 2024 جىلعا دەيىن ادىلەت كوميسسارى قىزمەتىن اتقارعان. جەتەكشى ساياساتكەر بۇعان دەيىن 1999-2011 جىلدار ارالىعىندا بەلگيانىڭ قارجى ءمينيسترى بولعان.
2019 جىلى بەلگيا پوليتسياسى وعان قاتىستى سىبايلاس جەمقورلىق جانە اقشانى جىلىستاتۋ ايىپتارى بويىنشا تەرگەۋ جۇرگىزگەن. رەيندەرس ءوزىنىڭ كىناسىزدىگىن العا تارتىپ, ءىس اقىرى توقتاتىلعان.
