قر عىلىم جانە جوعارى ءبىلىم مينيسترلىگى ء"بىلىم گرانتتارىنىڭ سانىن ۇلعايتۋ – ۇزدىكسىز جۇرەتىن پروتسەسس" دەپ وتىر. ءارى ول سۇرانىسقا ساي وسەدى.
– قازاقستان رەسپۋبليكاسىندا جوعارى ءبىلىمدى جانە عىلىمدى دامىتۋدىڭ 2023-2029 جىلدارعا ارنالعان تۇجىرىمداماسىنا سايكەس, سۇرانىسى بار دايارلاۋ باعىتتارى, ونىڭ ىشىندە تەحنيكالىق باعىتتار بويىنشا جوعارى ءبىلىم الۋ ءۇشىن مەملەكەتتىك ءبىلىم بەرۋ گرانتتارى سانىن ۇلعايتۋ (2029 جىلعا قاراي كەمىندە 75 مىڭ) ەسكەرىلگەن, – دەلىنگەن ۆەدومستۆو اقپاراتىندا.
ايتا كەتەيىك, 2024-2025 وقۋ جىلىندا ءبىلىم بەرۋ گرانتتارىنىڭ سانى وتكەن جىلمەن سالىستىرعاندا 5000-عا ارتىپ وتىر.
بيىل گرانت تاعايىنداۋ كونكۋرسىنا 104 مىڭنان اسا تالاپكەر قۇجات تاپسىرسا, بۇل وتكەن جىلعا قاراعاندا 10 مىڭعا ارتىق ەكەنىن كورسەتكەن. كونكۋرس ناتيجەسىندە 79 مىڭعا جۋىق ءبىلىم گرانتى ۇلەستىرىلگەن. مەملەكەتتىك گرانتتاردىڭ رەسپۋبليكالىق كوميسسيا وتىرىسىنىڭ قورىتىندىسى نەگىزىندە تاعايىندالاتىنى بەلگىلى. وسى جىلعى ەڭ كوپ كونكۋرس "ستوماتولوگيا" ماماندىعىندا بولعان.
