فوتو: Polisia.kz
كۇدىكتىنىڭ ەلدىڭ وڭتۇستىك وڭىرلەرىنەن تىيىم سالىنعان زاتتاردى اكەلىپ, تۇتىنۋشىلاردى ىزدەپ, ولارمەن الەۋمەتتىك جەلى ارقىلى كەلىسسوزدەر جۇرگىزگەنى انىقتالعان.
«وسى ماقساتتا ەر ادام پاتەر جالداپ, ودان ءارى ساتۋ ءۇشىن ەسىرتكىنى وراۋمەن اينالىسقان. ءتىنتۋ كەزىندە شكافتا سۇر-قارا ءتۇستى زات سالىنعان پاكەت, ارنايى ءيىسى بار وسىمدىك تەكتەس زاتى بار فولگاعا ورالعان پاكەتتەر, ەلەكتروندى تارازىلار, 5 مىڭ دانا كولەمىندەگى بوس zip-lock قاپتار, سونداي-اق 7,5 ملن تەڭگەگە جۋىق اقشالاي قاراجات انىقتالىپ تاركىلەندى», دەلىنگەن حابارلامادا.
سونىمەن قاتار ونىڭ تۇرعىلىقتى جەرىنەن «وسا» تراۆماتيكالىق تاپانشاسى مەن «راك» تراۆماتيكالىق وقتارىن اتۋعا قابىلەتتى گازدى تاپانشا جانە 9 رەزەڭكە پاترون تاركىلەنگەن. ساراپتاما قورىتىندىسىنا سايكەس, ۇستالعان ازاماتتان تاركىلەنگەن زاتتار سالماعى 2 كەلىدەن اساتىن قاراسورا شايىرى ەكەنى انىقتالعان.
اتالعان وقيعا بويىنشا قىلمىستىق ءىس قوزعالعان. كۇدىكتى استانا قالاسى پد ۋاقىتشا ۇستاۋ يزولياتورىنا قامالعان.
