فوتو: gov.kz
ول «دامۋ بالا» پلاتفورماسى ارقىلى قىزمەت كورسەتەتىن كاسىپكەرلىك سۋبەكتىلەرىنە قويىلاتىن تالاپتارعا سايكەستىگىن تەكسەرۋ اكتىلەرىنەن, بالالار شىعارماشىلىعى جانە سپورت سالاسىندا انىقتالعان بۇزۋشىلىقتاردى الىپ تاستاۋ ءۇشىن 81 كاسىپكەرلىك سۋبەكتىسىنەن ءوزىنىڭ سەنىمدى تۇلعالارى ارقىلى 55 ملن تەڭگەدەن استام قاراجات العان دەگەن كۇدىككە ءىلىندى.
«سپورتتىق جابدىقتاردىڭ تالاپتارعا سايكەس كەلمەۋى, بالالاردىڭ كەلۋىن ەسەپكە الۋدىڭ بۇزىلۋى, بەينەباقىلاۋ جۇيەلەرىنىڭ تولىق سايكەس كەلمەۋى جانە سپورت سەكتسيالارىنا باراتىن بالالاردىڭ قاۋىپسىزدىگىن قامتاماسىز ەتۋ جانە باسقا دا بۇزۋشىلىقتار انىقتالدى», دەلىنگەن حابارلامادا.
اتالعان فاكت بويىنشا تەرگەۋ جۇرگىزىلىپ جاتىر.
سوتپەن كۇدىكتىگە قاتىستى ۇيقاماق تۇرىندەگى بۇلتارتپاۋ شاراسى تاعايىندالدى.
وزگە مالىمەتتەر قر قپك-ءنىڭ 201-بابىنا سايكەس جاريا ەتۋگە جاتپايدى.
قر كونستيتۋتسياسىنىڭ 77-بابى 3-تارماعىنىڭ 1-تارماقشاسىنا جانە قر قىلمىستىق ءىس جۇرگىزۋ كودەكسىنىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ارقايسىسى كىناسىز دەپ ەسەپتەلەدى.
