مىسالى, پاۆلودار وبلىستىق ايتۆ-ينفەكتسياسىنىڭ الدىن الۋ ورتالىعىندا تمككك كولەمىندە بىرنەشە جىل بويى ايتۆ-ينفەكتسياسى ماسەلەلەرىمەن حالىققا تەكسەرۋ جانە كەڭەس بەرۋ جۇرگىزىلەدى, شەت ەلدەرگە شىعۋ ءۇشىن ايتۆ-عا تەكسەرۋ ناتيجەسى بار سەرتيفيكاتتار بەرىلەدى. حالىقتىڭ نەگىزگى توپتارىنا پروفيلاكتيكالىق جانە مەديتسينالىق-الەۋمەتتىك كومەك سەنىم پۋنكتتەرىندە جانە دوستىق كابينەتتەردە كورسەتىلەدى, بۇعان جەكە قورعانىس قۇرالدارىن بەرۋ, جىنىستىق جولمەن بەرىلەتىن ينفەكتسيالاردى دياگنوستيكالاۋ جانە ەمدەۋ كىرەدى.
ايتۆ-ينفەكتسياسىمەن ءومىر سۇرەتىن ادامدارعا مەديتسينالىق كومەك, پسيحوالەۋمەتتىك, زاڭدىق جانە مەديتسينالىق كونسۋلتاتسيالار, ايتۆ-ينفەكتسياسىمەن اۋىراتىن ناۋقاستاردى ديناميكالىق باقىلاۋ تمككك شەڭبەرىندە قولدانىستاعى كلينيكالىق حاتتامالارعا سايكەس ۇيىمداستىرىلعان. سونداي-اق ايتۆ-ينفەكتسياسىن ەمدەۋ ءۇشىن انتيرەتروۆيرۋستىق پرەپاراتتار بەرىلەدى, ايتۆ-مەن بايلانىستى اۋرۋلاردىڭ دياگنوستيكاسى جۇرگىزىلەدى, ەمدەۋ تيىمدىلىگىنە زەرتحانالىق مونيتورينگ قامتاماسىز ەتىلەدى.
كورسەتىلىمدەر بولعان جاعدايدا, سونداي-اق ايتۆ-ينفەكتسياسىنىڭ الدىن الۋ سالاسىنداعى باسقا دا فۋنكتسيالار حالىققا جاناسۋعا دەيىنگى جانە جاناسۋدان كەيىنگى انتيرەتروۆيرۋستىق پروفيلاكتيكا قولجەتىمدى.
بۇگىن پاۆلودار وبلىستىق ايتۆ-ينفەكتسياسىنىڭ الدىن الۋ ورتالىعىندا ءوڭىردىڭ 2265 تۇرعىنى انتيرەتروۆيرۋستىق تەراپيا الىپ جاتىر, بيىلعى جىلدىڭ 10 ايىندا يممۋندىق مارتەبەنى انىقتاۋ ءۇشىن 3197 تالداۋ, تەراپيانىڭ تيىمدىلىگىن انىقتاۋ ءۇشىن 4107 تالداۋ جۇرگىزىلدى. جۇكتى ايەلدەردىڭ 100%-عا جۋىعى ايتۆ-ينفەكتسياسىنا جانە ولاردىڭ جىنىستىق سەرىكتەستەرىنە تەكسەرىلدى. جىنىستىق جولمەن بەرىلەتىن ينفەكتسيالاردىڭ الدىن الۋ بويىنشا دوستىق كابينەتتە 2891 ادام كەڭەس الدى, ونىڭ ىشىندە 250-دەن استامى جاناسۋعا دەيىنگى پروفيلاكتيكادان جانە 38 – ءى جاناسۋدان كەيىنگى پروفيلاكتيكادان ءوتتى. سونىمەن قاتار, جىل باسىنان بەرى وبلىس اۋداندارىندا اشىلعان 15 سەنىم پۋنكتىنە 55 مىڭعا جۋىق ادام كەلدى.
ايتۆ-ينفەكتسياسى بويىنشا ەپيدەميولوگيالىق جاعدايدى تۇراقتاندىرۋدا جانە ونى جويۋدا قوعام تاراپىنان تەكسەرۋگە, ەمدەۋگە, سونداي-اق الەۋمەتتەنۋگە, ەڭبەك قۇقىقتارىنا قول جەتكىزۋ قۇقىقتارىن قابىلداۋ, قۇرمەتتەۋ, قامقورلىق جانە ساقتاۋ سياقتى ءىس-ارەكەتتەر وتە ماڭىزدى. سوندىقتان كەزدەيسوق ەمەس, 1 جەلتوقسان – بيىلعى جيتس-پەن كۇرەس كۇنى «دۇرىس جولدى تاڭدا - ادام قۇقىقتارىنىڭ جولىن تاڭدا» ۇرانىمەن وتەدى. ساراپشىلاردىڭ پايىمداۋىنشا, ەگەر ادام قۇقىقتارى باستى نازارعا الىنسا, الەم 2030 جىلعا قاراي ايتۆ-نى قوعامدىق دەنساۋلىققا قاۋىپ رەتىندە توقتاتا الادى. «قۇقىقتار جولىمەن ءجۇرىڭىز» دەگەن ۇندەۋ كەلەسى جىلدىڭ وقيعالارى ءۇشىن ماڭىزدى بولىپ قالا بەرەدى. وبلىستىق ونكۇندىك اياسىندا 20 قاراشادان 1 جەلتوقسانعا دەيىن پاۆلودار وڭىرلىك ايتۆ-ينفەكتسياسىنىڭ الدىن الۋ ورتالىعى وسى ينفەكتسيانىڭ الدىن الۋ جانە ەمدەۋ جونىندەگى ماسەلەلەردى باق-تا كەڭىنەن جاريالاۋدى قامتيتىن بىرقاتار ءىس-شارالاردى جوسپارلادى.
دۇنيەجۇزىلىك جيتس-كە قارسى كۇرەس كۇنى – بۇل اركىمنىڭ قۇقىعىن قورعاۋ ارقىلى اركىمنىڭ دەنساۋلىعىن قورعاۋعا شاقىرۋ.
