الەمدە داۋىسپەن اقشا باسقارۋ مەن تولەم تەحنولوگيالارى قارقىندى دامىپ كەلەدى. وسى تەحنولوگيالار ءموبيلدى بانك قىزمەتتەرىنەن باستاپ, اقىلدى قۇرىلعىلارعا دەيىن ءارتۇرلى سالالاردا قولدانىلىپ ءجۇر. قازىردىڭ وزىندە «Apple Siri», «Amazon Alexa», «Google Assistant» سياقتى ۆيرتۋالدى كومەكشىلەر شوتتاردى تولەۋ, قاراجاتتى اۋدارۋ, قارجىلىق كەڭەستەر بەرۋ سياقتى قىزمەتتەردى داۋىسپەن باسقارادى. مىسالى, «Royal Bank of Canada» مەن «Barclays» سياقتى بانكتەر قارجى ۇدەرىستەرىنە ەنگىزگەن. جوعارىدا ايتقانىمىزداي, مۇنىڭ اۋىلى بىزدەن دە الىس ەمەس. ەندى بىزدە بانك قوسىمشاسىنداعى داۋىستىق باسقارۋ جاساندى ينتەللەكت باسقارۋىمەن جۇمىس ىستەيتىن بولادى. ماماندار قازىردىڭ وزىندە ۇلكەن تىلدىك مودەلدەردىڭ بەلسەندى تەستتەر سەرياسىنا كوشتى.
– مىسالى, ءسىز جاي عانا قوسىمشاعا كىرىپ, «10 000 تەڭگە ايجانعا اۋدارىلسىن» دەسەڭىز, جۇيە بارلىق ايجان اتتى كونتاكتىلەردى سىزگە ۇسىنادى. ءسىز اۋدارىم جاساۋ كەرەك بىرەۋىن تاڭدايسىز. ءبىز بۇل مۇمكىندىكتى «Halyk SuperApp»-تا جۇزەگە اسىرعىمىز كەلەدى. جۇيە ءتىپتى پايدالانۋشىنىڭ دەرەكتەرىنەن ۇيرەنىپ, بەلگىلى ءبىر جازىلىمعا نەمەسە قىزمەتكە اقى تولەۋدىڭ ۋاقىتى كەلگەنىن تۇسىنەدى. ادامدى قاجەتسىز ارەكەتتەردى جاساۋعا ءماجبۇر ەتپەستەن ءوز بەتىنشە جاساۋدى ۇسىنادى. سونداي-اق ءبىز جەكە قارجىلىق جوسپارلاۋدى قوسامىز, وسىلايشا اركىم ءوز شىعىندارىنىڭ اناليتيكاسىن كورەدى, – دەيدى ا.زاۆارزين.
البەتتە, بۇل تەحنولوگيالار قارجىلىق قىزمەتتەردىڭ قولجەتىمدىلىگىن ارتتىرىپ, ۋاقىت ۇنەمدەيدى. بىراق ونى جاپپاي قابىلداماس بۇرىن, قاۋىپسىزدىك پەن سەنىمدىلىككە ساق بولۋ قاجەت. سەبەبى قاۋىپسىزدىك ماسەلەسى, تىلدىك ەرەكشەلىكتەردى تۇسىنۋدەگى قيىندىقتار, «POS» قۇرىلعىلارىمەن ۇيلەسىمدىلىك ماسەلەلەرىنەن اينالىپ كەتە المايمىز. بىراق IT قۇرىلعىلارىنىڭ تارالۋى مەن جاساندى ينتەللەكتىنىڭ دامۋى ارقاسىندا بۇل تەحنولوگيانىڭ بولاشاعى زور بولۋى مۇمكىن.
