«پاراسات مايدانى» — ادامنىڭ ىشكى الەمى مەن رۋحاني قۇندىلىقتارى تۋرالى سىر شەرتەتىن پسيحولوگيالىق دراما. قويىلىم قازاق ادەبيەتىنىڭ كلاسسيگى تولەن ابدىك شىعارمالارىنىڭ نەگىزىندە («وڭ قول» جانە «پاراسات مايدانى») ساحنالانعان. قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى گۇلسينا ميرگاليەۆا. قويۋشى جانە كيىم سۋرەتشىسى – شىنار ەلەمباەۆا. حورەوگراف – كارينا دجيرەنباەۆا.
سپەكتاكلدىڭ نەگىزگى وزەگى — ادامنىڭ ءوز-وزىمەن كۇرەسى, قوعامداعى مورالدىق قۇندىلىقتاردىڭ جوعالۋى جانە اقيقاتتىڭ تەرەڭىنە ءۇڭىلۋ. باستى كەيىپكەر — جالعىزدىق پەن ىشكى قايشىلىقتىڭ قۇربانىنا اينالعان جان. ول ادامدار اراسىنداعى ادىلەتسىزدىككە قارسى ءۇن قاتىپ, قوعامنىڭ قاتال جۇيەسىنە قارسى تۇرۋعا تىرىسادى.
قويىلىم بارىسىندا كورەرمەندەر رۋحاني قۇندىلىقتار مەن ماتەريالدىق الەمنىڭ قايشىلىقتارىن, ادام بولمىسىنىڭ كۇردەلىلىگىن, جاقسىلىق پەن جاماندىقتىڭ ارا جىگىن اجىراتۋ ماسەلەلەرىن تەرەڭ سەزىنەدى.
«پاراسات مايدانى» — ادامنىڭ رۋحاني بيىگىنە جەتۋ جولىنداعى كۇرەسىن بەينەلەيتىن, كورەرمەندى ويلاندىراتىن, ءومىردىڭ شىنايى ءمانىن ىزدەۋگە جەتەلەيتىن تۋىندى.
سپەكتاكلدە باستى ءرولدى قازاقستاننىڭ ەڭبەك سىڭىرگەن قايراتكەرى نۇركەن وتەۋىل سومدايدى.
