ۋنيۆەرسيتەت دەلەگاتسياسى, باسقارما توراعاسى – رەكتور ساۋلە راحمەتۋللينا, عىلىم جانە يننوۆاتسيالار جونىندەگى پرورەكتور جادىرا قوڭىرباەۆا, اكادەميالىق ماسەلەلەر جونىندەگى پرورەكتور ءاسيا ماشەكەنوۆا قىتايدىڭ تيانتسزين قالاسىندا وتكەن «World TVET League»-ءدىڭ العاشقى باس اسسامبلەياسى مەن دۇنيەجۇزىلىك تەحنيكالىق جانە كاسىپتىك ءبىلىمنىڭ دامۋى جونىندەگى كونفەرەنتسياعا قاتىستى. اۋقىمدى ءىس-شارا كاسىبي بىلىمدەگى يننوۆاتسيالىق تاسىلدەر مەن ۇزدىك تاجىريبەلەردى تالقىلاۋعا ارنالعان حالىقارالىق الاڭ ۇسىندى. شقتۋ وكىلدەرى كونفەرەنتسيادا جوعارى تەحنيكالىق جانە كاسىپتىك ءبىلىمدى دامىتۋداعى ۋنيۆەرسيتەتتىڭ جەتىستىكتەرىن تانىستىرىپ, سالاداعى جاھاندىق سەرىكتەستىككە ۇلەس قوستى. بۇل قادام شقتۋ-دىڭ ءبىلىم ساپاسىن جاڭا دەڭگەيگە كوتەرىپ, الەمدىك دەڭگەيدەگى سەرىكتەستىكتەردى نىعايتۋعا باعىتتالعان ستراتەگيالىق جوسپارلارىنىڭ ماڭىزدى بولىگى بولىپ وتىر.
ء«بىز ءۇشىن ەلىمىزدى الەمدىك ءبىلىم پلاتفورماسىندا ۇسىنۋ – ۇلكەن قۇرمەت. «World TVET League»-كە قاتىسۋ ۋنيۆەرسيتەتىمىزدىڭ ءبىلىم ۇدەرىسىنە ەڭ ۇزدىك حالىقارالىق تاجىريبەلەردى ەنگىزۋگە, سونداي-اق وسى تاجىريبەلەردى نەگىزگە الا وتىرىپ, جوعارى ءبىلىم ساپاسىن جاقسارتۋعا كومەكتەسەدى», دەپ اتاپ ءوتتى شقتۋ رەكتورى ساۋلە راحمەتۋللينا.
شىعىس قازاقستان تەحنيكالىق ۋنيۆەرسيتەتى «World TVET League»-كە قاتىسۋ ارقىلى حالىقارالىق ىنتىماقتاستىقتىڭ جاڭا كەزەڭىنە قادام باستى. ەڭبەك نارىعىنداعى جاھاندىق وزگەرىستەر ءبىلىم جۇيەسىن جاڭاشا بەيىمدەۋدى تالاپ ەتەدى. ال ليگا اياسىنداعى سەرىكتەستىك ۋنيۆەرسيتەتكە بۇل مىندەتتى ءتيىمدى ورىنداۋعا مۇمكىندىك بەرەدى. شقتۋ وسى ىنتىماقتاستىق ارقىلى جاڭا ءبىلىم تەحنولوگيالارىن ەنگىزۋدى جانە حالىقارالىق بايلانىستاردى نىعايتۋدى كوزدەيدى. بۇل – شقتۋ ءۇشىن عانا ەمەس, ەلىمىزدىڭ ءبىلىم جۇيەسى ءۇشىن دە ماڭىزدى جەتىستىك. «World TVET League»-مەن سەرىكتەستىك ورناتۋ ەلىمىزدىڭ ەڭبەك نارىعىنداعى جاھاندىق سۇرانىستارعا بەيىمدەلۋ قابىلەتىن ارتتىرادى دەگەن سەنىم مول.
