فوتو: special-edu.kz
وقۋ-اعارتۋ مينيسترلىگىنىڭ ءباسپاسوز قىزمەتىنىڭ ءمالىم ەتۋىنشە قازىرگى ۋاقىتتا پسيحولوگيالىق-مەديتسينالىق-پەداگوگيكالىق كەڭەس بەرۋ ەسەبىندە (پمپك) ەرەكشە ءبىلىم بەرۋدى قاجەت ەتەتىن 203 مىڭ بالا 496 ارنايى ءبىلىم بەرۋ ۇيىمدارىندا وقيدى. ەرەكشە بالالار ءۇشىن بالاباقشالاردىڭ 69%-دا, مەكتەپتەردىڭ 88%-دا, كوللەدجدەردىڭ 80%-دا جاعداي جاسالعان. مەكتەپتەردە 1071 ارنايى جاساقتالعان كابينەت جۇمىس جاسايدى.
«مەكتەپتەردە «پەداگوگ-اسسيستەنت» لاۋازىمى ەنگىزىلىپ, ماماندار سانى ءبىر جىلدا 1000-نان 2,5 مىڭعا دەيىن ارتتى. اتالعان لاۋازىمدى مەكتەپكە دەيىنگى ۇيىمداردا ەنگىزۋ مۇمكىندىگى قاراستىرىلىپ جاتىر. ەرەكشە بالالارمەن 9 مىڭنان استام ارنايى پەداگوگ جۇمىس جاسايدى. ماماندارعا دەگەن قاجەتتىلىكتى ەسكەرە وتىرىپ, كەلەسى وقۋ جىلىنان باستاپ ەلىمىزدىڭ كوللەدجدەرىندە «پەداگوگ-اسسيستەنتتەر» دايىنداۋ قولعا الىنىپ وتىر», دەيدى ينكليۋزيۆتى جانە ارنايى ءبىلىم بەرۋ دەپارتامەنتىنىڭ ديرەكتورى لاۋرا بۋتاباەۆا.
ۆەدومستۆو اتالعان باعىت بويىنشا جۇمىستاردى جالعاستىرادى.
