قالالىق قىلمىستىق ىستەر جونىندەگى اۋدانارالىق سوتىنىڭ مالىمەتىنشە, 2024 جىلعى 6 قاڭتاردا بىرنەشە ادام قالا ورتالىعىنداعى پاتەرلەردىڭ بىرىنە كىرىپ, بەس قول ساعاتىن ۇرلاپ كەتكەن:
- Breguet Classique grande Complication قۇنى 22,3 ملن تەڭگە;
- Franck Muller Mariner قۇنى 6,8 ملن تەڭگە;
- Daniel Roth Papillon Chronograph قۇنى 4,8 ملن تەڭگە;
- Rado Sintra قۇنى 1,3 ملن تەڭگە;
- Garmin Fenix 7X قۇنى 362 مىڭ تەڭگە.
وعان قوسا سەيفتەن 500 مىڭ تەڭگە ۇرلانعان. ءىس ماتەريالدارىنا سايكەس, 46 جاستاعى ەر ادام جانە ونىڭ 61 جاستاعى سىبايلاسى جابىرلەنۋشىنىڭ سەيفىن اشقان. ەڭ قىمبات ساعاتتار شىمكەنت قالاسىنداعى «الاش» بازارىندا 800 مىڭ تەڭگەگە ساۋداعا تۇسكەن.
زەرگەر Breguet Classique Grande Complication ساعاتىن بولشەكتەپ, ناتيجەسىندە الىنعان التىن بالقىتىلىپ, ءارتۇرلى بۇيىمدار جاسالعان. ال ساعاتتىڭ يەسى ونىڭ قۇنىن 50 ملن تەڭگەگە باعالادى. ساراپتاما ونىڭ توزعانىن ەسكەرە وتىرىپ, قول ساعاتىن 22,3 ملن تەڭگەگە باعالادى.
تەرگەۋ بارىسىندا جابىرلەنۋشىگە ساتىلعان جانە بولشەكتەلگەن Breguet Classique Grande Complication-تەن باسقا اقشا مەن بارلىق ساعاتتار قايتارىلدى. بولشەكتەنگەن بۇيىمنان قۇنى 1,1 ملن تەڭگە بولاتىن مەحانيزمى عانا قالعان.
سوت ق ۇلىپتاردى اشقان ازاماتتى اسا ءىرى مولشەردە ۇرلاعانى ءۇشىن كىنالى دەپ تاۋىپ, وعان 5,5 جىلعا باس بوستاندىعىنان ايىرۋ جازاسىن تاعايىندادى. ال ارىپتەسى ەڭ تومەنگى قاۋىپسىزدىك مەكەمەسىندە ەكى جىلعا سوتتالدى. ولار جابىرلەنۋشىگە 21,2 ملن تەڭگە قارىز.
ۇكىم زاڭدى كۇشىنە ەنگەن جوق.
