فوتو: عىلىم جانە جوعارى ءبىلىم مينيسترلىگى
لورد مايك گەرمان ءوزىنىڭ ساياساتكەر رەتىندە قالىپتاسۋ جولىنا توقتالىپ, قازاقستان تۋرالى اسەرىمەن, ءبىلىم بەرۋدىڭ ماڭىزدىلىعى تۋرالى ويلارىمەن ءبولىستى.
«ساياساتكەردىڭ مىندەتى – قوعام ءومىرىن جاقسارتۋ. مەنىڭ مىندەتىم – زاڭداردى قۇرۋ جانە وزگەرتۋ, ازاماتتاردىڭ سالىقتارى ەسەبىنەن قالىپتاساتىن ەلىمىزدىڭ بيۋدجەتى قالاي جۇمسالاتىنىن شەشۋ جانە سايىپ كەلگەندە, حالىقتىڭ ءومىرىن قالاي جاقسارتۋ كەرەگىن ويلاستىرۋ», دەپ اتاپ ءوتتى سپيكەر.
ۇلىبريتانيا لوردتار پالاتاسىنىڭ مۇشەسى قازاقستانعا ساپارى كەزىندە العان اسەرىن ورتاعا سالدى.
«دۇنيەجۇزى تاريحىندا شىعىس پەن باتىس اراسىنداعى بايلانىستار جىبەك جولى ارقىلى جۇزەگە اسقانى بەلگىلى. سىزدەردىڭ ەلدەرىڭىزدىڭ تاريحى ادامداردىڭ, تاۋارلار مەن قىزمەتتەردىڭ شىعىس پەن باتىس اراسىنداعى قوزعالىسىنا نەگىزدەلگەن. جىبەك جولى بۇگىندە دە ءوز ماڭىزىن جوعالتقان جوق. بۇل تۇرعىدا سىزدەردىڭ ارتىقشىلىقتارىڭىز – ەكى جاقتى بايلانىستىرۋ قابىلەتىڭىزدە جاتىر. ءبىزدىڭ قارىم-قاتىناسىمىزدى نىعايتۋ اسا ماڭىزدى دەپ سانايمىن», دەدى.
لورد مايك گەرمان جاستارعا ارناعان سوزىندە ولاردى تەك ءبىلىمدى مەڭگەرىپ قانا قويماي, ستراتەگيالىق جانە سىني تۇرعىدان ويلاۋ قابىلەتىن دامىتا وتىرىپ, ونى قولدانا بىلۋگە شاقىردى. ول سونداي-اق قازاقستان جاستارىنىڭ ەل بولاشاعىن ايقىندايتىن شەشىمدەر قابىلداۋ ءۇشىن كوزقاراسى مەن قاجەتتى داعدىلارى بولۋى ءتيىس ەكەنىن ايتتى.
سونىمەن قاتار قوناق ستۋدەنتتەردىڭ پروباتسيا قىزمەتى, ورتالىق ازيا ەلدەرىنىڭ الەۋەتى, ۇلىبريتانيانىڭ عىلىمي باسىمدىقتارى تۋرالى سۇراقتارىنا جاۋاپ بەرىپ, تابىستى ساياساتكەر بولۋ تۋرالى كەڭەستەرىن ءبولىستى.
جيىن سوڭىندا ەۇۋ-دىڭ ستراتەگيالىق دامۋ جانە ينتەرناتسيونالداندىرۋ جونىندەگى پرورەكتورى دۋمان ايتماعامبەتوۆ ۇلىبريتانيانىڭ لوردتار پالاتاسىنىڭ مۇشەسى مايك گەرمانعا ل.ن.گۋميلەۆ اتىنداعى ەۇۋ-دىڭ قۇرمەتتى پروفەسسورى اتاعىن بەرۋ تۋرالى شەشىم قابىلداعانىن جەتكىزدى.
