كەزدەسۋدە كرەاتيۆتى يندۋستريا سالاسىنداعى وزەكتى ماسەلەلەر تالقىلاندى. ونىڭ ىشىندە زاڭنامالىق باستامالار, ينفراقۇرىلىمدى دامىتۋ, قازاقستاندىق كرەاتيۆتى ونىمدەر يمپورتى ءسوز ەتىلدى.
«شىعارماشىلىق مامانداردى قولداۋ – بولاشاققا جاسالعان ينۆەستيتسيا. كرەاتيۆتى يندۋستريا بىرەگەي ءونىم جاساپ, مادەني الەۋەتتى نىعايتا وتىرىپ, جاڭا ەكونوميكانى قالىپتاستىرادى», دەدى Almaty creative ديرەكتورىنىڭ مىندەتىن ۋاقىتشا اتقارۋشى باقىت ەلۋباەۆا.
سونداي-اق كەزدەسۋ اياسىندا كرەاتورلارعا كرەاتيۆتى يندۋستريالاردى دامىتۋعا قوسقان ۇلەسى ءۇشىن قر مادەنيەت جانە اقپارات مينيسترلىگىنىڭ «قۇرمەت گراموتاسى» تابىستالدى.
«كرەاتيۆتى ەكونوميكا سالاسىنداعى زەرتتەۋلەر قازاقستانداعى وسى سەكتوردى دامىتۋ ءۇشىن وتە ماڭىزدى. 7 جىلدان استام ۋاقىت بويى ارىپتەستەرىممەن بىرگە ساپالى قولدانبالى زەرتتەۋلەر جاساۋعا تىرىسىپ كەلەمىز. بۇل گراموتا ءبىزدىڭ جۇمىسىمىزدىڭ مينيسترلىك تاراپىنان باعالانعانىن راستايدى جانە بۇل مەن ءۇشىن وتە ماڭىزدى», دەدى نارحوز ۋنيۆەرسيتەتىنىڭ كرەاتيۆتى ەكونوميكا جوبالارىنىڭ جەتەكشىسى دانا شاياحمەت.
ايتا كەتەيىك, بۇگىندە الماتى - قازاقستانداعى كرەاتيۆتى يندۋستريالاردىڭ ورتالىعى. مۇندا ەلدەگى كرەاتيۆتى يندۋستريا سۋبەكتىلەرىنىڭ ۇشتەن ءبىرى تىركەلگەن.
