فوتو:Polisia.kz
جاقىندا الماتىدا كيبەرپوليتسيا ارنايى وپەراتسيا جۇرگىزىپ, ونىڭ بارىسىندا جالدامالى پاتەردە شاعىن اۆتوماتتى تەلەفون ستانتسياسىن ۇيىمداستىرعان 26 جاستاعى جىگىت ۇستالعان.
ءتىنتۋ كەزىندە SIM-كارتالارعا ارنالعان 32 سلوتتارى بار SIM-قوراپ, سونداي-اق ۇيالى بايلانىس كومپانيالارىنىڭ بىرىنە تيەسىلى 285 SIM كارتاسى تابىلعان.
ء«ۇيدى ءتىنتۋ كەزىندە 32 SIM-كارتا سلوتى بار SIM-قوراپ جابدىعى, سونداي-اق ۇيالى بايلانىس كومپانيالارىنىڭ بىرىنە تيەسىلى 285 SIM كارتاسى تابىلدى. بۇل جابدىقتى ينتەرنەت-الاياقتار ءانونيمدى بولىپ قالا وتىرىپ, ءارتۇرلى ينتەرنەت-قىزمەتتەردى جانە مەسسەندجەرلەردى بەلسەندىرۋ, اككاۋنتتاردى تىركەۋ ءۇشىن پايدالانادى, ولاردىڭ كومەگىمەن الاياقتار باسقا ەلدە بولا تۇرا قازاقستاندىقتارعا تەلەفون سوعادى. كۇدىكتى وسى جابدىقتى ورناتۋ, قوسۋ جانە سلوتتارداعى SIM-كارتالاردى اۋىستىرۋدان تۇراتىن «جۇمىستى» ينتەرنەتتەن تاپقانىن ايتتى. قازىرگى ۋاقىتتا قىلمىستىق ءىس اياسىندا جەدەل شارالار جۇرگىزىلىپ جاتىر. ۇستالعان ازامات قاماۋعا الىندى», دەدى الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى قۋاتبەك ناۋاتوۆ.
