فوتو: اشىق دەرەككوز
دەپۋتاتتىڭ پىكىرىنشە, شەتەلدىك رۇقسات بلانكى – بۇل تاسىمالداۋشىلارعا جۇكتەردى شەت مەملەكەتتەردىڭ اۋماقتارى ارقىلى تاسىمالداۋعا مۇمكىندىك بەرەتىن قاتاڭ حالىقارالىق ەسەپ بەرۋ قۇجاتى.
«قاتاڭ ەسەپتىلىك بلانكىلەرىن اشىق ساتۋ – حالىقارالىق شارتتار مەن قازاقستان رەسپۋبليكاسىنىڭ زاڭناماسىن ورەسكەل بۇزۋ بولىپ تابىلادى. الايدا, مۇنداي قۇقىق بۇزۋشىلىق ءۇشىن قىلمىستىق جاۋاپكەرشىلىك كوزدەلمەگەن. تەك سۋبەكتىنىڭ ساناتىنا بايلانىستى 25 – 45 ايلىق ەسەپتىك كورسەتكىشتى قۇرايتىن اكىمشىلىك جاۋاپكەرشىلىك. بۇل جاۋاپكەرشىلىك 3690 تەڭگەگە الىنعان بلانكىنى, 1000, 2000 اقش دوللارىنا ساتاتىن الىپساتار ءۇشىن كەدەرگى ەمەس», دەدى س.ەرۋباەۆ.
ونىڭ ايتۋىنشا, الاياقتار, مۇمكىندىگىنشە كوپ بلانكىلەردى الۋ ءۇشىن, ءبىر كۇندىك كومپانيالار توبىن قۇرادى.
«جىل باسىندا, شەتەلدىك بلانكىلەرگە قويىلعان بارلىق كۆوتانى الىپ قويادى, ال ادال كاسىپكەرلەر ولاردان جوعارى باعامەن ساتىپ الۋعا ءماجبۇر. سالدارىنان جىلدىڭ سوڭىندا, پايدالانىلماعان كۆوتالار كەرى قايتارىلىپ, ال جۇكتەر شەتەلدىك تاسىمالداۋشىلاردىڭ ەنشىسىنە كەتەدى», دەيدى دەپۋتات.
سونداي-اق دەپۋتات بيىلعى جىلدىڭ شىلدە ايىندا, بلانكىلەردى قايتا ساتۋمەن الاياقتىق جاساۋعا توسقاۋىل قويۋ رەتىندە ەرەجەگە وزگەرىستەر ەنگىزىلگەنىن اتاپ ءوتتى.
ەگەر بۇرىن, بوس بلانكىلەر 100 كۇن مەرزىمگە بەرىلگەن بولسا, كازىرگى ۋاقىتتا ول مەرزىم 30 كۇنگە قىسقارتىلدى جانە شەتەلدىك بلانكىدە زاڭدى نەمەسە جەكە تۇلعانىڭ اتاۋى كورسەتىلۋى ءتيىس. الايدا, اۆتوتاسىمالداۋشىلاردىڭ ايتۋىنشا حالىققا قىزمەت ەتۋ ورتالىقتارى ءالى دە بوس بلانكىلەردى بەرىپ جاتىر.
دەپۋتات شىن مانىندە ەنگىزىلگەن وزگەرىستەر ايتارلىقتاي اسەر ەتپەگەنىن تىلگە تيەك ەتتى.
سەرىك ەرۋباەۆتىڭ ايتۋىنشا ۇكىمەت بۇل بلانكىلەردى بەرۋدى رەتتەۋمەن تاسىمالداۋشىلارعا ءتارتىپتى ساقتاۋعا جانە جەرگىلىكتى كاسىپكەرلەر وزدەرىنە الىنعان شەتەلدىك رۇقسات بلانكىلەرىن ءوز كومپانيالارىنىڭ ماقساتىنا ساي پايدالانۋعا ىقپال ەتۋى ءتيىس.
دەپۋتات ساۋالىن قورىتىندىلاي كەلە, كەلەسىلەردى ۇسىندى.
ء«تيىستى باقىلاۋ مەن اشىقتىقتى قامتاماسىز ەتۋ ماقساتىندا, بارلىق رۇقسات بلانكىلەرىن دەرەۋ ەلەكتروندىق فورماتقا كوشىرۋ قاجەت. بلانكىلەردىڭ بەرىلۋىن جانە پايدالانىلۋىن باقىلاۋ ءۇشىن, بىرىڭعاي دەرەكتەر بازاسىن قۇرۋ ماقساتىندا, سالىق اۋدارىمدارىن تەكسەرۋ ارقىلى قارجى مينيسترلىگىن شەتەلدىك بلانكتەردى بەرۋ جۇيەسىمەن بىرىكتىرىلسىن. بەلگىلەنگەن 30 كۇن مەرزىمدە بلانكىلەردى پايدالانباعانى ءۇشىن قاتاڭ باقىلاۋ قاراستىرىلسىن. زاڭدى نەمەسە جەكە تۇلعانىڭ اتاۋىن كورسەتپەي شەتەلدىك رۇقسات بلانكىلەرىن بەرۋگە تىيىم سالىنسىن. حالىققا قىزمەت كورسەتۋ ورتالىقتارىنىڭ بوس بلانكىلەردى بەرۋ فاكتىلەرى تەكسەرىلىپ, قاجەت بولعان جاعدايدا, ءتيىستى لاۋازىمدى تۇلعالار زاڭنامادا كوزدەلگەن جاۋاپكەرشىلىككە تارتىلسىن», دەدى سەرىك ەرۋباەۆ.
