فوتو: قارجى مينيسترلىگىنىڭ مەملەكەتتىك كىرىستەر كوميتەتى
حالىققا ىڭعايلى بولۋ ءۇشىن سالىق تولەۋشىنىڭ كابينەتى ارقىلى دەكلاراتسيالاردى تاپسىرۋ بويىنشا ەلەكتروندى سەرۆيستەر جولعا قويىلعان. ايتالىق, بۇگىندە (cabinet.salyk.kz), «ەلەكتروندى ۇكىمەتتىڭ» ۆەب-پورتالى (egov.kz), e-Salyq Azamat (سالىق ءاميانى), eGov mobile, Halyk, «بانك تسەنتر كرەديت» جانە «Kaspi» ءموبيلدى قوسىمشالارى كوپشىلىككە قولجەتىمدى.
ازاماتتاردىڭ قالعان ساناتتارى بويىنشا دەكلاراتسيالاردى ۇسىنۋ بويىنشا مىندەتتەمەلەر 2025 جىلى جالعاسادى. اتاپ ايتقاندا, 4 كەزەڭدە زەينەتكەرلەر, ءۇي شارۋاسىنداعى ازاماتشالار, ستۋدەنتتەر جانە ت.ب. قامتىلۋعا ءتيىس. بۇل شامامەن – 8 ملن ادام قۇرايدى.
مەملەكەت باسشىسىنىڭ جالپىعا بىردەي دەكلاراتسيالاۋ تاسىلدەرىن قايتا قاراۋ تۋرالى تاپسىرماسىن ىسكە اسىرۋ ءۇشىن ەلىمىزدەن تىس اكتيۆتەرى بار ادامداردى قوسپاعاندا, ازاماتتاردىڭ وسى ساناتىن اكتيۆتەرى مەن مىندەتتەمەلەرى تۋرالى دەكلاراتسيالاردى ۇسىنۋدان بوساتۋ ۇسىنىلىپ وتىر.
«بۇعان مەملەكەتتىك ورگانداردىڭ دەرەكتەر بازاسىن تسيفرلاندىرۋ, قولما-قول اقشاسىز تولەمدەردىڭ جوعارى ۇلەسى (86%), اۆتوماتتاندىرىلعان سالىقتىق باقىلاۋ, حالىقارالىق كەلىسىمدەر شەڭبەرىندە قارجىلىق شوتتار بويىنشا دەرەكتەر الماسۋ, سونداي-اق تسيفرلى قىزمەتتەردىڭ كەڭ قولجەتىمدىلىگى ىقپال ەتىپ وتىر. قارجى مينيسترلىگى شەتەلدە اكتيۆتەرى بار تۇلعالارعا, سايلاۋعا تۇسۋگە قۇقىعى بار ازاماتتارعا, مەملەكەتتىك لاۋازىمعا ورنالاسۋعا جانە ولارعا تەڭەستىرىلگەن كانديداتتار ءۇشىن, سونداي-اق بانكتەردىڭ, باعالى قاعازدار نارىعىنىڭ, ساقتاندىرۋ ۇيىمدارىنىڭ ءىرى قاتىسۋشىلارى بولعىسى كەلەتىندەر ءۇشىن اكتيۆتەر مەن مىندەتتەمەلەر تۋرالى دەكلاراتسيانى (250.00 سەن) ۇسىنۋ جونىندەگى مىندەتتى ساقتاۋدى ۇسىنىپ وتىر», دەلىنگەن حابارلامادا.
سونداي-اق ازاماتتارعا اكتيۆتەر مەن مىندەتتەمەلەر تۋرالى دەكلاراتسيانى ءوز ەركىمەن ۇسىنۋ قۇقىعى بەرىلەتىنىن اتاپ وتكەن ءجون.
بۇل رەتتە مەملەكەتتىك قىزمەتشىلەرگە, كۆازيمەملەكەتتىك جانە جەكە كومپانيالاردىڭ باسشىلارىنا, قۇرىلتايشىلارعا (ونىڭ ىشىندە 25% استام جانە ودان دا كوپ اكتسيا يەلەنۋشىلەرگە), ولاردىڭ جۇبايلارىنا, سونداي-اق قازاقستان رەسپۋبليكاسىنان تىس جەرلەردە اكتيۆتەرى بار جانە (نەمەسە) دەربەس سالىق سالىناتىن تابىس العان ادامدارعا كىرىستەرى مەن مۇلكى تۋرالى جىل سايىنعى دەكلاراتسيانى (270.00 سەن) تاپسىرۋ جونىندەگى مىندەت ساقتالادى.
قوسىمشا قۇنى 20 000 اەك (74 ملن تەڭگە) اساتىن ءىرى ساتىپالىم جاساعان تۇلعالار ءۇشىن وسىنداي مىندەتتى بەلگىلەۋ ۇسىنىلدى.
