فوتو: pixabay.com
ول قازاقستاندا كەڭەستىك كەزەڭدە ۋاقىت بەلدەۋى كوماندالىق-جوسپارلى ەكونوميكا مۇددەسى ءۇشىن تابيعي سەگىز رەت وزگەرگەنىن اتاپ ءوتتى. ناتيجەسىندە, ادامدار تابيعي تسيكلگە سايكەس كەلمەيتىن ۋاقىت بەلدەۋلەرىندە ءومىر ءسۇردى.
«ادامنىڭ ومىرلىك ۇدەرىستەرى ۋاقىتقا بايلانىستى ساعات, كۇن, اپتا, اي, ماۋسىم نەمەسە جىلدار بويى وزگەرەدى. بۇل وزگەرىستەر بيوريتمدەر دەپ اتالادى. تسيركاديالىق ىرعاقتار – ءبىزدىڭ دەنساۋلىعىمىز, ونىمدىلىگىمىز بەن ۇزاق ءومىر ءسۇرۋىمىزدىڭ نەگىزى. كوپتەگەن شەتەلدىك زەرتتەۋلەر بيوريتمدەر اعزاداعى گورمونداردىڭ, فەرمەنتتەر مەن باسقا بەلسەندى زاتتاردىڭ دەڭگەيىن باسقارادى, سونىمەن قاتار قان قۇرامى مەن جالپى تەپە-تەڭدىكتى ساقتايدى دەپ بولجايدى. ۇيقى مەن سەرگەكتىك, دەمالۋ مەن بەلسەندىلىكتى, تاماقتانۋ مەن زات الماسۋدى رەتتەيتىن بيوريتمدەردىڭ ۇيلەسىمدى جۇمىسى ادام دەنساۋلىعى ءۇشىن ماڭىزدى ءرول اتقارادى. بىرىڭعاي ۋاقىت بەلدەۋى بيولوگيالىق ساعاتتى سينحرونداپ, رەسمي ۋاقىت پەن كۇن ۋاقىتىن مۇمكىندىگىنشە جاقىنداتا وتىرىپ, ءومىردىڭ تابيعي ارعاعىنا ورالۋعا مۇمكىندىك بەردى», دەپ ەسەپتەيدى سالتانات نازاروۆا.
